Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

KTMT-nin üç ölkədən olan sülhməramlıları Qazaxıstanı tərk edib

© AP PhotoМиротворцы ОДКБ из Киргизстана
Миротворцы ОДКБ из Киргизстана - Sputnik Azərbaycan, 1920, 14.01.2022
Xəbərlərə abunə olun
Təyyarədə Tacikistandan olan hərbçilərlə birlikdə Qazaxıstan Quru Qoşunları Hərbi İnstitutunun 31 nəfərlik kursant qrupu da var. Onlar tətil üçün evlərinə gedib.
BAKI, 14 yanvar - Sputnik. Ermənistan və Tacikistandan olan KTMT sülhməramlıları Rusiya Aerokosmik Qüvvələrinin hərbi-nəqliyyat aviasiyasının dörd təyyarəsi ilə Qazaxıstanı tərk ediblər.
Sputnik Azərbaycan RİA Novosti-yə istinadən xəbər verir ki, İl-76 təyyarələri Almatı hava limanından havaya qalxıb.
Ermənistandan olan hərbçilər üç təyyarə ilə, Tacikistan hərbçiləri isə bir təyyarə ilə havaya qalxıblar. Belə ki, Tacikistan sülhməramlıları Qazaxıstana özləri ilə hərbi texnika aparmayıblar.
Təyyarədə Tacikistandan olan hərbçilərlə birlikdə Qazaxıstan Quru Qoşunları Hərbi İnstitutunun 31 nəfərlik kursant qrupu da var. Onlar tətil üçün evlərinə gedib.
Qeyd edək ki, KTMT əməliyyatının qərargahı da həmin təhsil ocağında yerləşirdi.
Elə bu gün səhər Qırğızıstan silahlı qüvvələrinin bölmələri də evlərinə getdilər. Lakin onlar təyyarələrlə deyil, yerüstü nəqliyyatla yola düşüblər.
KTMT-nin Qazaxıstanda keçirilən sülhməramlı əməliyyatında Rusiya, Belarus, Ermənistan, Qırğızıstan və Tacikistan kontingentləri iştirak edib.
Qeyd edək ki, dünən axşam saatlartında Qazaxıstanda sülhməramlı missiyanı yerinə yetirən Rusiya desantçıları da öz daimi bölmələrinə qayıtmağa başlayıblar.
“Rusiya Aerokosmik Qüvvələrinin hərbi-nəqliyyat aviasiyasının dörd İl-76md təyyarəsilə KTMT-nin kollektiv sülhməramlı qüvvələri tərkibində olan və Qazaxıstan Respublikasında sosial əhəmiyyətli obyektlərin mühafizəsi üzrə tapşırıqları yerinə yetirən Rusiya desantlarının ilk bölmələri daimi xidmət yerinə qaytarılıb”, - deyə Rusiya MN-nin məlumatında bildirilir.
Xatırladaq ki, Qazaxıstan Prezidenti Kasım-Jomart Tokayev də KTMT sülhməramlı kontingentinin ölkədən sabah çıxarılacağını demişdi. O, sülhməramlıların missiyasını çox uğurlu kimi qiymətləndirib və görülən işlərə görə kontingentin komandanlığına minnətdarlığını bildirib.
Yanvarın ilk günlərində qaz qiymətlərinin artımına əhalinin kəskin etirazları səbəbindən Qazaxıstanın bir neçə şəhər və vilayətində fövqəladə vəziyyət rejimi elan edilib.
Prezident Kasım-Jomart Tokayev yanvarın 5-də ölkədə kütləvi etirazlarla əlaqədar əhaliyə müraciət edib.
BMT-nin məlumatına görə, iğtişaşlar zamanı minə yaxın insan yaralanıb. DİN 18 güc strukturu əıməkdaşının həlak olduğunu, ümumilikdə 4 mindən çox şəxsin saxlanıldığını bildirib.
Həmçinin oxuyun:
* ABŞ-ın Qazaxıstandan tələbi - jandarm iş başındadır
* Tokayev KTMT missiyasının Qazaxıstandan çıxacağı vaxtı açıqladı
* KTMT iclasında gözlənilməz təklif - Əfqanıstan ətrafında təhlükəsizlik kəməri yaradaq
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала