https://sputnik.az/20211213/turagentler-turistlere-yazili-muqavile-ile-xidmet-gosterecekler-437216886.html

Turagentlər turistlərə yazılı müqavilə ilə xidmət göstərəcəklər

Turagentlər turistlərə yazılı müqavilə ilə xidmət göstərəcəklər

Sputnik Azərbaycan

Müqavilədə turizm zərfinə daxil olan xidmətlərin siyahısı, onların təsviri və qiyməti, ödəniş qaydası, turun başlama və bitmə tarixi, müqavilənin ləğvi... 13.12.2021, Sputnik Azərbaycan

2021-12-13T23:19+0400

2021-12-13T23:19+0400

2021-12-13T23:19+0400

turist

cəmiyyət

xidmət

agent

müqavilə

https://cdnn1.img.sputnik.az/img/42226/64/422266469_0:0:3076:1731_1920x0_80_0_0_d6538294ee5e3ed461655f852773ff09.jpg

BAKI, 13 dekabr — Sputnik. Turoperator və turagentlər turizm zərfinin və ya turizm xidmətinin turistlərə satışını yazılı müqavilə əsasında həyata keçirməlidirlər. Müqavilədə turizm zərfinə daxil olan xidmətlərin siyahısı, onların təsviri və qiyməti, ödəniş qaydası, turun başlama və bitmə tarixi, müqavilənin ləğvi şərtləri, mülki məsuliyyətin sığortası və istehlakçılara dəymiş zərərin kompensasiya edilməsi şərtləri və qaydaları mütləq əks olunmalıdır.Sputnik Azərbaycan-ın məlumatına görə, bu barədə "Turizm haqqında" yeni qanun layihəsində deyilir.Layihəyə görə, müqavilənin digər şərtləri Azərbaycan Respublikasının Mülki Məcəlləsi ilə tənzimlənir və müqavilədəki bütün qeyri-müəyyənliklər istehlakçıların xeyrinə şərh edilir.Turoperator və turagentlər müqavilə şərtlərini pozmağa görə sığortaçı ilə mülki məsuliyyətin sığortası müqaviləsi bağlamalıdırlar. Müvafiq icra hakimiyyəti orqanının müəyyən etdiyi orqan (qurum) sığorta məbləğinə dair minimum tələbləri Azərbaycan Respublikasının Mərkəzi Bankı ilə razılaşdırmaqla müəyyən edir.Turoperator və turagentlər turizm zərfinin və ya turizm xidmətinin dəyərini ödəyən istehlakçılara turizm yollayışı təqdim etməlidirlər. Turizm yollayışı turizm zərfinin və ya turizm xidmətinin satışına dair müqavilənin ayrılmaz tərkib hissəsi hesab edilir.Turist göndərən turoperatorla və ya turagentlə turist qəbul edən turoperator və ya tura daxil olan konkret xidmətləri təklif edən şəxslər arasında qarşılıqlı ödəmələr turizm vauçeri əsasında həyata keçirilir.Qeyd edək ki, yeni qanun Azərbaycan Respublikasında turizmin dayanıqlı inkişafını təmin etmək məqsədilə turizm sahəsində dövlət idarəetməsinin əsaslarını, turizm sənayesinin tənzimlənmə mexanizmlərini, turizm ehtiyatlarından səmərəli istifadə qaydalarını və turizm sahəsinin maliyyələşdirilmə mənbələrini müəyyən edir.Həmçinin oxuyun:Azərbaycanda turizm bələdçilərinin milli sertifikatlaşdırılmasına başlanılırBu il əcnəbilər tərəfindən mehmanxanalarda keçirilmiş gecələmələrin sayı 35 faiz azalıbAzərbaycanın turizm sahəsi 2 milyard manat itirib, ancaq yenidən dirçəlməyə hazırdırTuristləri Azərbaycandan didərgin salan səbəb - Aviabiletlərin qiyməti göydə uçur

https://sputnik.az/20211213/hoteller-alti-ay-erzinde-ulduz-kateqoriyasi-almalidir-437216319.html

2021

xəbərlər

ru_AZ

turist, xidmət, agent, müqavilə