DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Ermənistan Türkiyə ilə münasibətləri bərpa etmək üçün Rusiyaya minnətçi düşüb

© Sputnik / Алексей Майшев / Mediabanka keçidMoskva kremli, arxiv şəkli
Moskva kremli, arxiv şəkli - Sputnik Azərbaycan, 1920, 25.11.2021
Abunə olmaq
Rusiya Xarici İşlər Nazirliyinin rəsmi nümayəndəsi Mariya Zaxarova cümə axşamı günü keçirdiyi ənənəvi brifinqdə Ermənistanın niyyətini açıqlayıb.
BAKI, 25 noyabr — Sputnik. Moskva təsdiqləyir ki, Yerevan Ermənistanla Türkiyə arasında münasibətlərin normallaşması üçün Rusiyadan vasitəçilik etməsini istəyib. “RİA Novosti” xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova cümə axşamı günü keçirdiyi ənənəvi brifinqdə bildirib.
"Bəli, mən təsdiqləyə bilərəm ki, Ermənistan Yerevanla Ankara arasında vasitəçilik üçün bizə müraciət edib. Rusiya erməni-türk münasibətlərinin normallaşmasında maraqlıdır və bunun üçün səy göstərir", – deyə o vurğulayıb.
"Ölkəmiz bundan sonra da prosesi davam etdirməyə hər bir şəkildə hazırdır. Prosesin başlanması, şübhəsiz ki, regionda ümumi vəziyyətin yaxşılaşmasına öz töhfəsini verərdi", – deyə diplomat əlavə edib.
Qeyd edək ki, bu günlərdə Ermənistan Xarici İşlər Nazirliyinin mətbuat katibi Vaan Unanyan rəsmi Yerevanın Ankara ilə münasibətlərinin normallaşdırılmasına hazır olduğunu bildirib.
Xatırladaq ki, Türkiyə Ermənistanın Azərbaycan torpaqlarını işğal etməsinə etiraz əlaməti olaraq 1993-cü ildən bu ölkə ilə diplomatik münasibətlərinə son qoyub və sərhədlərini bağlayıb.
Eləcə də oxuyun:
* Prezident Paşinyana yeni müavin gətirdi
* Putin Mişelə Soçi görüşündə müzakirə ediləcək məsələləri açıqlayıb
* Soçi görüşü öncəsi Paşinyanın açıqlamaları nədən xəbər verir?
* Rusiya Qarabağa sərmayə qoymaq istəyir - Prezident Əliyev Overçuku qəbul edib
Xəbər lenti
0