Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Putin Mişelə Soçi görüşündə müzakirə ediləcək məsələləri açıqlayıb

© Sputnik / Sergey Guneev / Fotobanka keçməkRusiya Prezidenti Vladimir Putin və Avropa Şurasının sədri Şarl Mişel
Rusiya Prezidenti Vladimir Putin və Avropa Şurasının sədri Şarl Mişel  - Sputnik Azərbaycan, 1920, 24.11.2021
Xəbərlərə abunə olun
Putin Mişelə 9 noyabr 2020-ci il və 11 yanvar 2021-ci il tarixli üçtərəfli razılaşmaların müddəalarının həyata keçirilməsi, iqtisadi münasibətlərin bərpası, Cənubi Qafqazda nəqliyyat əlaqələrinin açılması istiqamətində atılan addımlar barədə məlumat verib.
BAKI, 24 noyabr - Sputnik. Rusiya Prezidenti Vladimir Putin Avropa Şurasının sədri Şarl Mişel arasında telefon danışığı olub.
Sputnik Azərbaycan Kremlin saytına istinadla xəbər verir ki, telefon danışığı zamanı bir sıra aktual beynəlxalq problemlər müzakirə olunub.
Belarusun Aİ ölkələri ilə sərhədlərindəki vəziyyəti müzakirə edərkən hər iki tərəf miqrasiya böhranının beynəlxalq humanitar hüquq normaları əsasında tezliklə həllinin vacibliyini vurğulayıblar. Belarus Prezidenti Aleksandr Lukaşenkonun Almaniya Federal Kansleri vəzifəsini icra edən Angela Merkel ilə telefon əlaqəsində razılaşdırıldığı kimi, Avropa İttifaqı ilə Minsk arasında sistemli qarşılıqlı fəaliyyətin qurulmasının məqsədəuyğunluğu təsdiq edilib. Bu kontekstdə Vladimir Putin Avropa dövlətlərinin müntəzəm anti-Belarus sanksiyaları tətbiq etmək niyyətlərinin məhsuldar olmadığını qeyd edib.
Söhbət zamanı Polşa təhlükəsizlik qüvvələri tərəfindən miqrantlara qarşı su şırnaqları, gözyaşardıcı qaz, səs qumbarasıvə digər xüsusi texnikadan istifadə faktlarına diqqət çəkilib. Şarl Mişelin miqrantlara qarşı zorakılığın qarşısını almaq və vəziyyətin gərginləşməsinə səbəb ola biləcək hərəkətlərdən qaçmaq üçün Varşava ilə əməkdaşlıq edəcəyinə ümid ifadə edilib.
Görüşdə Ukrayna ilə bağlı məsələlər də müzakirə edilib. Putin həmsöhbətinə Ermənistan-Azərbaycan münaqişəsinin həlli istiqamətində görülən işlərdən də bəhs edib.
"Vladimir Putin Şarl Mişelin xahişi ilə Dağlıq Qarabağ üzrə 9 noyabr 2020-ci il və 11 yanvar 2021-ci il tarixli üçtərəfli razılaşmaların müddəalarının həyata keçirilməsi, o cümlədən dinc həyatın bərqərar edilməsi, iqtisadi münasibətlərin bərpası, Cənubi Qafqazda nəqliyyat əlaqələrinin açılması istiqamətində atılan addımlar barədə məlumat verib", - Kremlin məlumatında deyilir.
Burada həmçinin qeyd olunub ki, məhz bu məsələlərə Rusiya və Azərbaycan prezidentlərinin və Ermənistanın baş nazirinin noyabrın 26-da Soçidə keçiriləcək görüşündə baxılması planlaşdırılır.
Görüşdə Əfqanıstan və Liviya problemlərinə də toxunulub.
Həmçinin oxuyun:
* Soçi görüşü öncəsi Paşinyanın açıqlamaları nədən xəbər verir?
* Kreml Əliyev, Putin və Paşinyanın görüşəcəyi tarixi açıqladı
* Yerevan və Bakı arasında müdafiə nazirləri səviyyəsində birbaşa əlaqə qurulub - Paşinyan
* Ermənistan Azərbaycanla sərhəd məsələsini parlamentin müzakirəsinə çıxarır
* Ermənistan Türkiyə ilə münasibətləri normallaşdırmağa hazır olduğunu bəyan etdi
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала