Купюра номиналом в 200 AZN, фото из архива - Sputnik Azərbaycan, 1920
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Maliyyə naziri: Gələn ilin büdcəsində əməkhaqqı artımı üçün vəsait nəzərdə tutulub

© Sputnik / Murad Orujov Samir Şərifov
 Samir Şərifov - Sputnik Azərbaycan, 1920, 10.11.2021
Abunə olmaq
Sosial müdafiə və sosial təminat üçün gələn ilin dövlət büdcəsindən 3 milyard manatdan çox vəsait ayrılacaq.
BAKI, 10 noyabr — Sputnik. Azərbaycan Prezidentinin tapşırığına uyğun olaraq, növbəti ilin dövlət büdcəsində əməkhaqqının artırılması üçün vəsait nəzərdə tutulub.
Sputnik Azərbaycan xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin iclasında "Azərbaycan Respublikasının 2022-ci il dövlət büdcəsi haqqında" qanun layihəsinin müzakirəsi zamanı maliyyə naziri Samir Şərifov deyib.
Nazir bildirib ki, sosial müdafiə və sosial təminat üçün gələn ilin dövlət büdcəsindən 3 milyard manatdan çox vəsait ayrılacaq.
S.Şərifov bildirib ki, artımlar hesabına sosial sığorta yığımları da artacaq: "Eyni zamanda ölkədə qeyri-formal məşğulluğun azaldılması, əmək münasibətlərinin rəsmiləşdirilməsi sosial sığorta haqqlarının yığımına, artmasına müsbət təsir edib".
Yaşlı insanlar, arxiv şəkli - Sputnik Azərbaycan, 1920, 07.11.2021
AZƏRBAYCAN XƏBƏRLƏRİ
Pensiyaçıların sayı azalacaq? - SƏBƏBLƏR
O bildirib ki, nəqliyyat, rabitə və kommunal sahələr üçün növbəti ilin dövlət büdcəsindən 479 milyon manat subsidiya ayrılması planlaşdırılır. Bunların sırasında "Bakı Metropoliteni" QSC və digər qurumlar var.
Qeyd edək ki, Milli Məclisin İqtisadi siyasət, sənaye və sahibkarlıq komitəsinin iclası keçirilir. İclasda 2022-ci ilin büdcə zərfinə daxil olan sənədlər müzakirə edilir.
İclasda iqtisadiyyat naziri Mikayıl Cabbarov, maliyyə naziri Samir Şərifov, əmək və əhalinin sosial müdafiəsi naziri Sahil Babayev, Hesablama Palatasının sədri Vüqar Gülməmmədov, Mərkəzi Bankın sədri Elman Rüstəmov, deputatlar iştirak edirlər.
Büdcə zərfinə "Azərbaycan Respublikasının 2022-ci il dövlət büdcəsi haqqında", "Dövlət Sosial Müdafiə Fondunun 2022-ci il büdcəsi haqqında", "İşsizlikdən sığorta fondunun 2022-ci il büdcəsi haqqında", "Azərbaycan Respublikasında 2022-ci il üçün yaşayış minimumu haqqında", "Azərbaycan Respublikasında 2022-ci il üçün ehtiyac meyarının həddi haqqında" qanun layihələri və s. daxildir.
Eləcə də oxuyun:
* Kasıblar üçün vacib məsələ: Yaşayış minimumu ilə ehtiyac meyarı birləşdirilsinmi?
* Deputat: əməkhaqlarında 20-40% artımın olması proqnozlaşdırılır
* Mərci şorbası iki manata: kişidən pul qopartmaq mümkün olacaqmı?
* Dövlət qurumu işçi axtarır, maaş 2500-3 700 manatdır
Xəbər lenti
0