Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Naftalanda otuz dörd küçə və yolda təmir işləri aparılır

© Photo : State Agency of Azerbaijan Automobile RoadsTalış-Tapqaraqoyunlu-Qaşaltı-Naftalan yolunun tikintisi
Talış-Tapqaraqoyunlu-Qaşaltı-Naftalan yolunun tikintisi - Sputnik Azərbaycan, 1920, 23.10.2021
Xəbərlərə abunə olun
Naftalan şəhərində 16 kilometr uzunluğa malik 34 küçə və yolda təmir işləri aparılır
BAKI, 23 oktyabr — Sputnik. Dövlət başçısının Sərəncamına əsasən, Naftalan şəhərində yol infrastrukturunun müasir səviyyəyə çatdırılaraq vətəndaşların rahat gediş-gəlişinin təmin olunması istiqamətində Azərbaycan Avtomobil Yolları Dövlət Agentliyi tərəfindən genişmiqyaslı təmir-tikinti işləri aparılır.
Agentlikdən Sputnik Azərbaycan-a verilən məlumata görə, Sərəncama əsasən Naftalan şəhərində ümumi uzunluğu 16 kilometr olan 34 küçə və yolda təmir işlərinin aparılması nəzərdə tutulur. Artıq bu çərçivədə təmir-tikinti işləri başa çatmaq üzrədir.
Hazırda sözügedən küçə və yolların yenidən qurulması üçün əraziyə lazımi sayda canlı qüvvə və texnika cəlb edilməklə problemlər aradan qaldırılır. Texnoloji ardıcıllıqla aparılan işlər nəticəsində küçə və yollar genişləndirilir. Genişləndirmə işləri isə öz növbəsində bütün hərəkət iştirakçılarının normal və təhlükəsiz hərəkətinə hesablanıb.
Layihəyə uyğun olaraq, yolun torpaq yatağının bərpası üçün yararsız qrunt müxtəlif dərinliklərdə qazılaraq çıxarılıb, əvəzinə lazımi qrunt tökülərək kipləşdirilib. Yolun relyefdən aşağı olan hissələrində torpaq yatağının qaldırılması üçün yararlı qrunt tökülərək yayılıb, yolun genişləndirilməsi işləri aparılıb, yeni torpaq yatağı və yol əsası inşa edilib.
Daha sonra "İnşaat Norma və Qaydaları"nın tələblərinə əsasən, küçə və yollara yeni asfalt-beton örtüyünün döşənməsi işləri aparılır.
Naftalan şəhərində küçə və yolların bərpası, inşası, müasir tələblər səviyyəsində yenidən qurulması avtomobillərin hərəkətinin təhlükəsizliyinə zəmin yaradır, yük və sərnişin daşımasını asanlaşdırır.
Yenidənqurma işlərinin yaxın müddət ərzində yekunlaşdırılması planlaşdırılır.
Həmçinin oxuyun:
* Bu marşrut xətti üzrə sərnişindaşımaları "BakuBus"a həvalə edilib
* Azərbaycanda taksi sürücülərinin psixoloji durumlarının yoxlanılması ilə bağlı təklif var
* Qanunsuz sərnişindaşımalara qarşı sərt tədbirlərə başlanılır
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала