19:32 27 Sentyabr 2021
Canlı yayım
  • USD1.7000
  • EUR1.9932
  • RUB0.0234
DÜNYA
Qısa URL
14 0 0

Pentaqonun rəsmi nümayəndəsi Con Kirbi qeyd edib ki, Kabil aeroportunda ABŞ hərbi kontingentinə təhlükə realdır, onlar daim müşahidə apararaq əlavə təhlükəsizlik tədbirləri görürlər.

BAKI, 28 avqust - Sputnik. Taliban* hərəkatı hazırda Kabil aeroportunun üç girişinə nəzarət edir. 

Sputnik Azərbaycan bildirir ki, bu barədə Tolo News telekanalı hərəkatın nümayəndələrinə istinadən məlumat yayıb.

Cümə günü taliblər bəyan etmişdilər ki, aeroportun hərbi zonasındakı hissələr onların nəzarətindədir. 

Pentaqonun rəsmi nümayəndəsi Con Kirbi isə aeroportun heç bir hissəsinin taliblərin nəzarətində olmadığını deyib.

"ABŞ hərbçiləri Kabil aeroportunun üç girişini və digər hissələrini tərk ediblər, indi Taliban oralara nəzarəti ələ alıb", - telekanalın Twitter səhifəsində qeyd olunub.

Con Kirbi isə qeyd edib ki, Kabil aeroportunda ABŞ hərbi kontingentinə təhlükə realdır, onlar daim müşahidə apararaq əlavə təhlükəsizlik tədbirləri görürlər.

"Təhlükələr hələ də real və dinamikdir. Biz onları real vaxt rejimində izləyirik. Qüvvələrimizi qorumaq üçün bütün lazım olan tədbirləri görürük", - Kirbi brifinqdə deyib.

Xatırladaq ki, cümə axşamı Kabil aeroportunda buraxılış məntəqələrindən birinin partladılması nəticəsində Əfqanıstandan insanların təxliyəsini gerçəkləşdirən 13 ABŞ hərbçisi, təyyarəyə minərək ölkəni tərk etmək niyyəti ilə aeroporta axışan 220-dək də əfqan həlak olmuşdu.

Bu gün məlumat verilib ki, aertıq ABŞ hərbçiləri də Kabil aeroportunu tərk etməyə başlayıblar, avadanlıqlar çıxarılır.

* Taliban - 1994-cü ildə yaranan və 1996–2004-cü illər arası Əfqanıstanın bütün ərazisini idarə etmiş hərəkatdır. 2003-сü ildə BMT TŞ tərəfindən terror təşkilatı kimi tanınıb.

Eləcə də oxuyun:

Teqlər:
Əfqanıstan, Kabil, aeroport, giriş, nəzarət, Taliban, ABŞ, hərbçilər, Pentagon

Əsas mövzular