https://sputnik.az/20220918/pelosi-ermeni-muxalifetine-soz-verdi-azerbaycana-yardimin-dayandirilmasina-calisacagam-446204327.html

Pelosi erməni müxalifətinə söz verdi: "Azərbaycana yardımın dayandırılmasına çalışacağam"

Pelosi erməni müxalifətinə söz verdi: "Azərbaycana yardımın dayandırılmasına çalışacağam"

Sputnik Azərbaycan

Pelosi Bakıya yardımın dayandırılması məsələsini müzakirə edəcəyinə, bunun təkcə bəyanatlarla məhdudlaşmayacağına və ABŞ-a qayıdandan sonra bu məsələləri... 18.09.2022, Sputnik Azərbaycan

2022-09-18T19:33+0400

2022-09-18T19:33+0400

2022-09-19T00:58+0400

siyasət

nensi pelosi

ermənistan

abş

abş konqresi

https://cdnn1.img.sputnik.az/img/07e6/07/16/444280728_0:0:3071:1728_1920x0_80_0_0_dfa8ea792a6efca8047dfc6d864dc770.jpg

BAKI, 18 sentyabr - Sputnik. Nensi Pelosi İrəvanda parlament müxalifətinin nümayəndələri ilə də görüş keçirib. Görüşdən sonra “Hayastan” blokundan deputat İşxan Saqatelyan bildirib ki, əsas mövzu Azərbaycanla sərhəddəki vəziyyətdir. Sputnik Ermənistan-ın məlumatına görə, erməni müxalifəti açıq şəkildə bildirib ki, ABŞ-ın Azərbaycana dəstəyi Ermənistan üçün qəbuledilməzdir."Söhbət təkcə yardımın həcmindən deyil, həm də hərbi-siyasi dəstəkdən gedir. Bu yardımdan Azərbaycan daha da cəsarətlənir və Ermənistana qarşı təcavüzünü davam etdirir. Biz 907 saylı qətnamədən və gələn il Azərbaycana yardım proqramlarının dayandırılmasından danışdıq”, - Saqatelyan bildirib.Onun sözlərinə görə, Amerika tərəfi Bakıya yardımın dayandırılması məsələsini müzakirə edəcəyini və bunun təkcə bəyanatlarla məhdudlaşmayacağına söz verib. Pelosi deyib ki, ABŞ-a qayıdandan sonra bu məsələlər Konqresdə müzakirə olunacaq.Görüşdə erməni hərbi əsirlərin taleyi də müzakirə olunub, erməni tərəfi konkret faktlar təqdim edib. Ermənistandakı daxili siyasi vəziyyət, Dağlıq Qarabağın statusu məsələlərinə də toxunulub - bir sözlə, müxalifətin daim danışdığı bütün problemlərə.“Mənim şərəfim var” fraksiyasının nümayəndəsi Hayk Mamicanyan isə öz növbəsində bildirib ki, qeyri-müəyyən və ünvansız formulalar indi əhəmiyyətsizdir. "Amerika tərəfi işğalçının Azərbaycan olduğunu tanıdı". O, əmindir ki, bu, ABŞ-da hər iki partiyanın - Demokrat və Respublikaçıların mövqeyində ciddi dəyişikliklərə səbəb olacaq.Onun sözlərinə görə, danışıqların mühüm mövzularından biri də Dağlıq Qarabağ münaqişəsinin həlli, ATƏT-in Minsk qrupunun işinin bərpası, bu prosesin düzgün məcraya qaytarılması, yəni, "Madrid Prinsipləri"nin müzakirəsidir.Mamicanyan ümumilikdə müzakirəni səmərəli adlandırıb.Xatırladaq ki, 2022-ci ildə ABŞ prezidenti Co Bayden növbəti dəfə Azadlığa Dəstək Aktına edilən 907-ci düzəlişdən yan keçib və bununla da ABŞ-ın Azərbaycana birbaşa hərbi dəstək göstərməsinə şərait yaradıb.Pelosi İrəvana sentyabrın 17-də axşam gəlib. Siyasətçi baş nazir, parlamentin spikeri, eləcə də parlament müxalifəti ilə görüşlər keçirib. O, həmçinin Qafesçiyan Müasir İncəsənət Mərkəzində çıxış edib.

https://sputnik.az/20220918/pelosi-pasinyanla-ne-danisib-446203777.html

https://sputnik.az/20220918/nensi-pelosi-abs-dagliq-qarabag-munaqisesinin-uzunmuddetli-sulh-yolu-ile-hellini-isteyir--446194637.html

abş

2022

xəbərlər

ru_AZ

nensi pelosi, ermənistan, abş, abş konqresi