Бакинский Олимпийский стадион, фото из архива - Sputnik Azərbaycan, 1920
İDMAN
Ölkənin və dünyanın idman həyatına dair məlumatlar

"Lex"in baş məşqçisi: "Qarabağ" bu gün əla oynadı və bizi keyfiyyət baxımından üstələdi

© Sputnik / Murad OrujovPolşa "Lex"inin baş məşqçisi Con van den Brom
Polşa Lexinin baş məşqçisi Con van den Brom - Sputnik Azərbaycan, 1920, 12.07.2022
Xəbərlərə abunə olun
Yandex newsTelegram
Polşa "Lex"inin baş məşqçisi Con van den Brom deyib ki, çoxlu səhvlərə yol veriblər və oyun onlar üçün uğursuz alınıb.
BAKI, 12 iyul - Sputnik. Polşa "Lex"inin baş məşqçisi Con van den Brom Bakıda "Qarabağ"a 1:5 hesabı ilə uduzduqları UEFA Çempionlar Liqasının I təsnifat mərhələsinin cavab oyunundan sonra mətbuat konfransında rəqibi qələbə münasibətilə təbrik edib, növbəti mərhələdə ona uğurlar arzulayıb.
Mütəxəssis bildirib ki, mərhələni onun başçılıq etdiyi komanda da adlaya bilərdi. Bunun üçün yetərincə əsası da vardı. Amma oyun uğursuz alındı:
"Çoxlu səhvə yol verdik. Təəssüf ki, hakim səhvləri də oldu. Yan xətt hakimləri azı 3 epizodda oyundankənar vəziyyət qeydə almadı. Amma bu, bəhanə olmamalıdır. "Qarabağ" bu gün əla oynadı və bizi keyfiyyət baxımından üstələdi".
Niderlandlı baş məşqçinin sözlərinə görə, məğlubiyyətin fərqi yoxdur: "Amma 1:5 böyük hesabdır. Təcrübəmizdə bu cür məğlubiyyət olmayıb. Bəzi nüansları nəzərə almaq lazımdır. Hesab sırf rəqibin çox gözəl oyun sərgiləməsi ilə bağlı idi".
Van den Brom hansısa səhvini vurğulamaq istəmədiyini söyləyib: "İlk matçdakı taktikanı bu dəfə də tətbiq etmişdik. Sadəcə, nə isə düz getmədi. Dediyim kimi, "Qarabağ" çox yaxşı oynadı. Burada yalnız rəqibin keyfiyyətli oyunundan söhbət gedə bilər".
Xatırladaq ki, bu gün Bakıda "Qarabağ" və Polşanın "Lex" komandası arasında UEFA Çempionlar Liqasının I təsnifat mərhələsinin cavab oyunu keçirilib. Oyunda Ağdam klubu 5:1 hesabı ilə rəqibini darmadağın edib.
Qarabağ - Lex matçında oyun epizodu - Sputnik Azərbaycan, 1920, 12.07.2022
İDMAN
"Qarabağ" Polşa "Lex"ini darmadağın edib
Xəbər lenti
0