https://sputnik.az/20220420/azerbaycanin-kino-agentliyi-yaradilir-441266366.html

Azərbaycanın Kino Agentliyi yaradılır

Azərbaycanın Kino Agentliyi yaradılır

Sputnik Azərbaycan

Məqsəd Azərbaycan kinematoqrafiyasının beynəlxalq rəqabətə davamlılığının təmin edilməsi, yerli istehsal və yayım infrastrukturunun müasirləşdirilməsidir. 20.04.2022, Sputnik Azərbaycan

2022-04-20T17:03+0400

2022-04-20T17:03+0400

2022-04-20T17:26+0400

azərbaycan xəbərləri

prezident ilham əliyev

milli kino

mədəniyyət və turizm nazirliyi yanında mədəni irsin qorunması, inkişafı və bərpası üzrə dövlət xidməti

https://cdnn1.img.sputnik.az/img/07e5/05/13/426991215_0:320:3073:2048_1920x0_80_0_0_07a0c125cea9917d4e6023c1e3fd3da7.jpg

BAKI, 20 aprel — Sputnik. Prezident İlham Əliyev "Azərbaycan Respublikasının Kino Agentliyi" publik hüquqi şəxsin yaradılması haqqında Fərman imzalayıb.Məqsəd Azərbaycanda kinematoqrafiya sahəsində dövlət siyasətinin həyata keçirilməsinin təkmilləşdirilməsi, Azərbaycan kinematoqrafiyasının beynəlxalq rəqabətə davamlılığının təmin edilməsi, yerli istehsal və yayım infrastrukturunun müasirləşdirilməsidir.Sənədə əsasən, Mədəniyyət Nazirliyinin tabeliyində "Azərbaycan Respublikasının Kino Agentliyi" publik hüquqi şəxs yaradılır.Agentlik Azərbaycanda kinematoqrafiyanın inkişafının, o cümlədən yerli və müştərək kino istehsalının dəstəklənməsi, kino mədəniyyətinin təbliğinin təşkili, kinematoqrafiya müəssisələrinin və kino sənayesi iştirakçılarının fəaliyyətinin, eləcə də kinematoqrafiya sahəsində yeni informasiya-kommunikasiya texnologiyalarının və innovasiyaların tətbiqinin stimullaşdırılması, Azərbaycan kinematoqrafiyasının dünya kinematoqrafiyasına inteqrasiyası sahələrində fəaliyyət göstərən, Nazirliyin tabeliyindəki kinematoqrafiya müəssisələrini idarə edən və onların fəaliyyətinə nəzarəti həyata keçirən publik hüquqi şəxsdir.Agentliyin fəaliyyətinə ümumi rəhbərliyi və nəzarəti həyata keçirmək üçün sədr və onun iki müavini daxil olmaqla 3 üzvdən ibarət Müşahidə Şurası yaradılır.Agentliyin fəaliyyətinə cari rəhbərliyi Baş direktor həyata keçirir.Agentliyin saxlanılması və fəaliyyətinin təmin edilməsi dövlət büdcəsinin vəsaiti və qanunla qadağan edilməyən digər mənbələr hesabına həyata keçirilir.Nazirlər Kabineti iki ay müddətində Agentliyin nizamnaməsinin layihəsini və nizamnamə fondunun miqdarı barədə təkliflərini hazırlayıb Prezidentə təqdim etməlidir.Digər maraqlı xəbərləri həmçinin Sputnik Azərbaycan-ın Teleqram kanalından izləyin

https://sputnik.az/20220203/kino-sahesine-ayrilan-pullar-hara-xerclenir-438770213.html

2022

xəbərlər

ru_AZ

prezident ilham əliyev, milli kino, mədəniyyət və turizm nazirliyi yanında mədəni irsin qorunması, inkişafı və bərpası üzrə dövlət xidməti