Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Türkiyə Qərbi Ukrayna ilə bağlı bəyanatlarla çaxnaşma yaratmamağa çağırıb

© Photo : Facebook / Republic of Turkey Ministry of Foreign AffairsTürkiyə Xarici İşlər Nazirliyinin binası, arxiv şəkli
Türkiyə Xarici İşlər Nazirliyinin binası, arxiv şəkli - Sputnik Azərbaycan, 1920, 12.02.2022
Xəbərlərə abunə olun
Yandex newsTelegram
Türkiyənin xarici işlər naziri bildirib ki, Qərb Rusiya Federasiyasını guya Ukrayna ətrafında vəziyyəti gərginləşdirməkdə ittiham edir.
BAKI, 12 fevral - Sputnik. Qərb ölkələri Ukrayna ətrafında gərginliklə bağlı bəyanatlarında çaxnaşma yaratmamalıdır.
Bu sözləri Türkiyənin xarici işlər naziri Mövlud Çavuşoğlu deyib.
“Rusiyanın Ukraynaya müdaxilə etməyə cəhd etməsi düzgün olmazdı. Əgər belə bir vəziyyət olmayacaqsa, Qərb ölkələri Ukrayna ilə bağlı çaxnaşma yaradan bəyanatlarında diqqətli olmalıdırlar".
Türkiyənin xarici işlər naziri bildirib ki, Qərb Rusiya Federasiyasını guya Ukrayna ətrafında vəziyyəti gərginləşdirməkdə ittiham edir.
“Moskva bunu qəti şəkildə inkar edir və heç kimə hədə-qorxu gəlmir. NATO hərbi texnikasının Rusiya sərhədləri yaxınlığında yerləşdirilməsi də bütün bu ittihamlardan sonra baş verir” - , deyə APA Mövlud Çavuşoğlunun sözlərini tərcümə edib.
Türkiyə Putinlə Zelenskinin görüşünü təşkil etməyə hazırdır
Türkiyənin xarici işlər naziri Mövlud Çavuşoğlu "CNN Türk" telekanalının efirində deyib ki, rəsmi Ankara Rusiya və Ukrayna prezidentləri Vladimir Putinlə Volodimir Zelenski arasında görüş təşkil etməyə hazırdır.
"Rəcəb Tayyib Ərdoğanın Ukraynaya səfəri zamanı keçirdiyi mətbuat konfransında dediyi kimi, hər iki tərəf razılaşarsa, biz məmnuniyyətlə vasitəçiliyə hazırıq. Rusiya da bunu müsbət qarşılamalıdır", - Çavuşoğlu bildirib.
Türkiyə XİN Ukraynadakı vətəndaşlarına çağırış etdi
Bundan əvvəl Türkiyə Xarici İşlər Nazirliyi Ukraynadakı təhlükəsizlik durumunun yaxından izlənildiyini bəyan edib.
Türkiyə XİN ölkə vətəndaşlarını məcburiyyət olmadığı halda Ukraynanın şərq sərhədindəki bölgələrə səyahət etməməyə çağırıb.
Türkiyə XİN Ukraynadakı ölkə vətəndaşlarına şəxsi təhlükəsizlikləri ilə bağlı bütün tədbirləri görməyi və Ukraynanın şərqinə məcburi səyahətdən əvvəl Kiyevdəki Türkiyə səfirliyi ilə əlaqə saxlamağı tövsiyə edib.
Digər maraqlı xəbərləri Sputnik Azərbaycan-ın Telegram kanalından izləyin!
Həmçinin oxuyun:
Ukrayna tam dağılmayana qədər sakitləşməyəcəklər - Mariya Zaxarova
ABŞ və Rusiya liderləri arasında növbəti danışıqlar başa çatıb
Sergey Lavrov Entoni Blinkenlə danışdı: Ukraynaya hücum barədə xəbərlər təxribatdır
ABŞ və Rusiyanın müdafiə nazirləri nə danışıblar? Pentaqonun sözçüsü açıqladı
Putinlə Makron arasında telefon söhbəti 1 saat 40 dəqiqə davam edib
Xəbər lenti
0