Кабинет химии в школе, фото из архива - Sputnik Azərbaycan, 1920
TƏHSİL
Təhsilə dair xəbərlər və məqalələr

Magistraturaya qəbul imtahanlarında yenilik olacaq

 imtahan - Sputnik Azərbaycan, 1920, 06.01.2022
Xəbərlərə abunə olun
Dövlət İmtahan Mərkəzi imtahanlarda istifadə olunan tapşırıqlar bazasını, habelə bilik və bacarıqların daha dəqiq yoxlanılmasına imkan verən qiymətləndirmə alətlərini təkmilləşdirir, yeni formatda yoxlama-ölçmə materiallarından istifadəyə üstünlük verir.
BAKI, 6 yanvar — Sputnik. Dövlət İmtahan Mərkəzi “Magistr” xüsusi buraxılışının 1-ci nömrəsini nəşr edib. Sputnik Azərbaycan DİM-ə istinadən xəbər verir ki, jurnalda ali təhsil müəssisələrinin və Azərbaycan Milli Elmlər Akademiyasının magistraturalarına qəbul qaydaları, məntiqi təfəkkür, xarici dillər və informatika üzrə qəbul imtahanı proqramları, həmçinin məntiqi təfəkkürün yoxlanılması üzrə çoxseçimli və açıq tipli test tapşırığı nümunələri Azərbaycan və rus dillərində təqdim edilib.
Dövlət İmtahan Mərkəzi bütün istiqamətlər üzrə imtahanların daha obyektiv və şəffaf keçirilməsi məqsədilə mütəmadi olaraq müxtəlif layihələr həyata keçirir, imtahanlarda istifadə olunan tapşırıqlar bazasını, habelə bilik və bacarıqların daha dəqiq yoxlanılmasına imkan verən qiymətləndirmə alətlərini təkmilləşdirir, yeni formatda yoxlama-ölçmə materiallarından istifadəyə üstünlük verir.
Jurnalı “Abituriyent” satış köşkündən (Bakı şəhəri, Nəsimi rayonu A.Salamzadə küçəsi, 28. (DİM-in binası)), həmçinin kitab mağazalarından almaq və ya www.abiturient.az saytından sifariş etmək olar.
Dövlət İmtahan Mərkəzinin Direktorlar Şurasının sədri Məleykə Abbaszadə “Magistr” jurnalının 1-ci nömrəsində yer alan “Ön söz”ündə bildirib ki, ali təhsilin magistratura səviyyəsinə qəbul mexanizminin daha da təkmilləşdirilməsi, imtahanda istifadə olunan yoxlama-ölçmə materiallarının etibarlılıq səviyyəsininin yüksəldilməsi üçün hər il cari ildə keçirilən imtahanların nəticələrinin elmi-statistik təhlili də aparılır. Bu təhlillər əsasında ixtisaslı və peşəkar mütəxəssislərdən ibarət ekspert qrupunun iştirakı ilə imtahan proqramlarında, zərurət olarsa, müəyyən dəyişikliklər edilir, eyni zamanda imtahanın məzmunu ilə bağlı elmi-metodik işlər həyata keçirilir.
Magistraturaya qəbul imtahanının, son iki ildə olduğu kimi, DİM tərəfindən mərkəzləşdirilmiş qaydada beynəlxalq təcrübəyə uyğun yalnız bir mərhələdə keçirilməsi və imtahanda məntiqi təfəkkürün, informatika və xarici dil üzrə biliklərin yoxlanılması nəzərdə tutulur. Növbəti imtahanda da bakalavrların bu sahələr üzrə biliklərinin yoxlanılması üçün qiymətləndirmə aləti olaraq test üsulundan istifadə olunacaq. DİM 2022/2023-cü tədris ili üçün də test imtahanını iki dəfə - bir dəfə fevral və ya mart ayında, ikinci dəfə isə may və ya iyun ayında təşkil etməyi planlaşdırır.
Magistratura səviyyəsinə qəbul imtahanında növbəti ildə də məntiqi təfəkkürün yoxlanılması, xarici dil və informatika üzrə test bloklarında qapalı (çoxseçimli) və açıq tipli test tapşırıqlarından istifadə olunacaq. Hər bir xarici dil üzrə test blokuna dinləyib-anlama üzrə bir audiomətn əsasında qapalı tipli beş test tapşırığı da daxil ediləcək. Bakalavrlara kömək məqsədilə hazırlanmış audiomətnlərin nümunələri DİM-in rəsmi internet səhifəsində yerləşdirilmişdir.
2024-cü ildən etibarən keçiriləcək magistratura səviyyəsinə qəbul imtahanlarında isə xarici dil bloku üzrə yazı və danışıq bacarıqlarının yoxlanılması da nəzərdə tutulur.
Xüsusi qabiliyyət tələb edən ixtisaslar üzrə ixtisas magistraturasının ixtisaslaşmalarına və jurnalistika üzrə magistratura ixtisaslaşmalarına qəbul olmaq istəyən bakalavrların qəbul imtahanındakı nəticələri Dövlət İmtahan Mərkəzinin Azərbaycan Respublikasının Təhsil Nazirliyi ilə razılaşdırılmaqla müəyyən etdiyi müsabiqə şərtini ödədikdə, onlar Mərkəzin elan etdiyi müddətdə qabiliyyət imtahanında iştirak etməlidirlər.
İxtisaslaşma seçimi isə qəbul və qabiliyyət imtahanlarının nəticələri elan olunduqdan sonra aparılacaq. Qəbul və qabiliyyət imtahanlarında göstərdikləri nəticəsi müsabiqə şərtlərinə uyğun olan bakalavrlar ixtisaslaşma seçiminə buraxılacaqlar.
Xüsusi qabiliyyət tələb edən ixtisaslar üzrə ixtisas magistraturasının ixtisaslaşmalarını və jurnalistika üzrə magistratura ixtisaslaşmalarını qəbul imtahanını verdikdən sonra DİM-in elan etdiyi müddətdə Mərkəzin rəsmi internet saytında qeydiyyatdan keçən, qabiliyyət imtahanından “məqbul” qiymət alan bakalavrlar seçə biləcəklər.
Məlum olduğu kimi, ixtisaslaşma seçimi “Magistratura səviyyəsi üzrə ixtisaslaşma seçimi cədvəli”nə uyğun həyata keçirilir. Seçdikləri ixtisaslaşmalar üzrə müsabiqə bakalavrların imtahandan topladıqları bal əsasında aparılır. Hər bir bakalavr ixtisaslaşmaların müsabiqəsinə öz istəyinə uyğun olaraq cari ildə iştirak etdiyi ya birinci, ya da ikinci imtahanda topladığı balla qoşula bilər.
Ən mühüm istiqamətlərdən biri də imtahan verənlərə elmi-metodik köməyin göstərilməsi, onların zəruri məlumatlarla təmin olunmasıdır. DİM-in rəsmi internet səhifəsində ardıcıl olaraq imtahan proseslərinin təşkili və keçirilməsi ilə bağlı zəruri məlumatlar, metodik materiallar və tövsiyələr, imtahanda istifadə olunan qiymətləndirmə alətlərinin hər bir tipinə və növünə aid tapşırıqlar yerləşdirilir, onlayn sınaq imtahanları təşkil olunur. DİM-in prioritet fəaliyyət istiqamətlərindən biri də jurnalların və vəsaitlərin dərc olunmasıdır ki, bu nəşrlər imtahana hazırlaşanlar üçün əsas məlumat və bilik mənbələrindəndir.
“Magistr” jurnalının bu sayında magistraturaya qəbul qaydaları, eyni zamanda məntiqi təfəkkürün yoxlanılması, xarici dillər və informatika üzrə qəbul imtahanı proqramları, eləcə də məntiqi təfəkkürün yoxlanılması üzrə izahlı test tapşırığı nümunələri təqdim edilir. Magistraturaya qəbul elanı, məntiqi təfəkkürün yoxlanılması, informatika və xarici dillər üzrə test modelləri, ixtisaslaşma seçimi cədvəli və digər zəruri materiallar isə jurnalın növbəti saylarında dərc olunacaqdır".
Magistraturaya qəbul imtahanının 1-ci cəhdinin fevral ayının 20-də keçirilməsi nəzərdə tutulur.
Həmçinin oxuyun:
İmtahan necə keçib? DİM magistraturaya qəbul üçün keçirilən sınağın nəticələrini elan etdi
Prezident Sərəncam imzaladı - tələbələrə verilən təqaüdlər artırıldı
Müavinət və təqaüdlərin artırılması barədə fərman və sərəncamlar kimləri əhatə edir
Əlillərin müavinətləri hansı qaydada və nə qədər artırılacaq - Nazirlik aydınlıq gətirdi
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала