Masallıda əlvan metallar və pul oğurlayan şəxslər ələ keçdi
17:32 09.12.2021 (Yenilənib: 17:58 09.12.2021)
© AFP 2023 / GENT SHKULLAKU
Abunə olmaq
Həmin şəxslərin daxil olduğu obyektdən ümumilikdə 1000 manat dəyərində əlvan metallar və 1 ədəd kəsici aparat oğurladıqları məlum olub.
BAKI, 9 dekabr — Sputnik. Masallıda 1000 manat dəyərində əlvan metallar oğurlayan rayon sakinləri saxlanılıblar. Digər əməliyyat-axtarış tədbirləri ilə isə həmkəndlisinin evindən oğurluq edən rayon sakini yaxalanıb.
DİN-in Mətbuat Xidmətinin Lənkəran regional qrupundan Sputnik Azərbaycan-a verilən məlumata görə, Masallı Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində axşam saatlarında rayon ərazisindəki metal qəbulu məntəqələrindən birindən oğurluq etməkdə şübhəli bilinən şəxslər saxlanılıb. Araşdırmalarla onların Masallı rayon sakinləri əvvəllər məhkum olunmuş Qabil Əmənov və Rəşad Nəcəfov olduqları müəyyən edilib. Həmin şəxslərin daxil olduğu obyektdən ümumilikdə 1000 manat dəyərində əlvan metallar və 1 ədəd kəsici aparat oğurladıqları məlum olub.
Masallı RPŞ-nin əməkdaşlarının keçirdikləri digər əməliyyat-axtarış tədbirləri ilə rayonun Türkoba kəndi ərazisindəki evlərdən birindən oğurluq etməkdə şübhəli bilinən həmin kəndin sakini Əmrah Əkbərov saxlanılıb. Onun daxil olduğu yaşayış evindən 700 manat pul oğurladığı müəyyən edilib.
Faktlarla bağlı araşdırma aparılır.
Eləcə də oxuyun:
* Güləş Federasiyasından oğurluq - saxlanılanlar var
* Günün kriminal xronikası: Bu dəfə hədəf qəbiristanlıqlar oldu
