DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

İsraildən ABŞ-a kritik səfər: İranın taleyi həll ediləcək

© AFP 2023 / JACK GUEZİsrail bayrağı
İsrail bayrağı - Sputnik Azərbaycan, 1920, 05.12.2021
Abunə olmaq
İsrailin Baş naziri Naftali Bennet deyib ki, İranın uranın zənginləşdirilməsində sürətlə irəliləməsinə qarşı başqa vasitələrdən istifadə etməyin vaxtıdır.
BAKI, 5 dekabr - Sputnik. İsrailin müdafiə naziri Benni Gantz və "Mossad" kəşfiyyatının rəhbəri David Barnea gələn həftə İranın uranın zənginləşdirilməsində irəliləyişini dayandırmaq üçün tədbirləri müzakirə etmək üçün Vaşinqtona səfər edəcəklər.
Bu barədə Baş nazir Naftali Bennet yəhudi dövlətinin Nazirlər Kabinetinin həftəlik iclasında bəyanatla çıxışı zamanı məlumat verib.
O deyib ki, yaxın günlərdə müdafiə naziri və Mossad direktoru bu məsələni (İranın nüvə proqramı) müzakirə etmək üçün Vaşinqtona səfər edəcək:

“Məqsədimiz Vyana danışıqlarının raundları arasında fürsət pəncərəsindən istifadə edərək ABŞ-dakı dostlarımıza məlumat verməkdir. İranın uranın zənginləşdirilməsində sürətlə irəliləməsinə qarşı başqa vasitələrdən istifadə etməyin vaxtıdır. İran öz pozuntularının əvəzini ödəməyə başlamalıdır".

Bundan əvvəl isə İngiltərə və İsrailin xarici işlər nazirləri Liz Trass və Yair Lapid bəyan ediblər ki, İranın nüvə dövlətinə çevrilməsinin qarşısını almaq üçün gecə-gündüz çalışacaqlar.
Xarici işlər nazirləri İngiltərənin "Telegraph" qəzeti üçün əsasən İran məsələlərinə aid olan birgə məqalə yazıblar.
"Biz İran rejiminin heç vaxt nüvə gücünə çevrilməməsi üçün gecə-gündüz çalışacağıq. Zaman daralır, bu da Tehranın ambisiyalarının qarşısını almaq üçün tərəfdaşlarımız və dostlarımızla sıx əməkdaşlığa ehtiyacı gücləndirir", - deyə məqalədə qeyd edilib.
Nazirlər bildiriblər ki, bazar ertəsi İngiltərə və İsrail kibertəhlükəsizlik, texnologiya, ticarət və müdafiə sahəsində on il müddətinə saziş imzalayacaqlar.
Məqalə İranın Nüvə Proqramı üzrə Birgə Hərtərəfli Fəaliyyət Planının (BHFP) bərpası ilə bağlı danışıqların növbəti mərhələsi başlamazdan əvvəl dərc edilib. Noyabrın 29-dan başlayacaq mərhələ BHFP-nin bərpası və ABŞ-ın İrana qarşı sanksiyalarının ləğvi ilə bağlı danışıqların başlanmasından bəri yeddinci və bu ilin avqust ayında Prezident İbrahim Rəisinin administrasiyasının İranda hakimiyyətə gəlməsindən sonra birinci mərhələ olacaq.
Bundan əvvəl Rəisinin sələfləri Vyanada bir sıra müzakirələr aparıblar və bu müzakirələr iyunun 20-də başa çatıb.
Həmçinin oxuyun:
Əli ətəyindən uzun qayıtmaq - BAEA rəsmisinin İran açıqlaması
İran danışmağa razıdır, ancaq tələbləri var
İngiltərə və İsrail İranda nüvə silahının yaranmasına qarşı çıxıblar
Xəbər lenti
0