Azərbaycan hərbçiləri, arxiv şəkli - Sputnik Azərbaycan, 1920, 16.11.2021
Azərbaycan-Ermənistan sərhədində vəziyyət
Ötən şənbə Ermənistan vətəndaşının əl qumbarası ilə Azərbaycan hərbçilərinə hücumundan sonra iki ölkənin sərhədində də vəziyyət gərginləşdi. Hazırda hərbi əməliyyat gedir. Ermənistanla sərhəddə son hadisələr barədə Sputnik Azərbaycan-ın süjetində oxuyun.

KİV: "Ermənistan Silahlı Qüvvələri 21 hərbçisini itirib"

© Sputnik / Fotobanka keçməkErməni hərbçilər yük maşınında, arxiv şəkli
Erməni hərbçilər yük maşınında, arxiv şəkli - Sputnik Azərbaycan, 1920, 20.11.2021
Xəbərlərə abunə olun
Zəngəzur bölgəsindəki sərhəd döyüşlərində Ermənistan Silahlı Qüvvələrinin 21 hərbçisini itirdiyi iddia olunur.
BAKI, 20 noyabr — Sputnik. Ermənistanın noyabrın 16-da Azərbaycanla dövlət sərhədində törətdiyi təxribat zamanı nə qədər itki verdiyi məlum olub.
Sputnik Azərbaycan xəbər verir ki, bu barədə "Caliber" Azərbaycan və Rusiyanın hərbi dairələrdə olan mənbələrinə istinadən məlumat yayıb.
Qeyd edilib ki, Zəngəzur bölgəsindəki sərhəd döyüşlərində Ermənistan Silahlı Qüvvələri 21 hərbçisini itirib. Azərbaycan tərəfindən saxlanılan erməni hərbçilərinin sayı 30 nəfər olub. Ermənistan Silahlı Qüvvələrinin yaralılarının sayı isə 100-ə çatır.
Xatırladaq ki, Ermənistan Silahlı Qüvvələrinin bölmələri dövlət sərhədinin Kəlbəcər və Laçın rayonları sahəsində ölkəmizə qarşı genişmiqyaslı təxribat törədib.
Ermənistanın hərbi birləşmələri dövlət sərhədinin bu istiqamətindəki yüksəklikləri ələ keçirmək və hərbi üstünlüyə nail olmaqla daha əlverişli mövqelərə yiyələnmək məqsədilə noyabrın 16-sı saat 11 radələrində qəfil hərbi əməliyyata başlayıb.
Basarkeçər və Qarakilsə rayonlarında yerləşən sərhəd-döyüş mövqelərinə əlavə canlı qüvvə, hərbi və xüsusi texnika cəmləşdirən Ermənistan hərbi bölmələri Azərbaycan Ordusunun Kəlbəcər və Laçın rayonlarındakı döyüş postlarına hücum edib.
Qarşı tərəf Azərbaycan Ordusunun mövqelərini müxtəlif çaplı atıcı silahlar və qumbaraatanlardan intensiv atəşə tutaraq döyüş postlarımıza atəşlə zərər vurub.
Ermənistan Silahlı Qüvvələrinin döyüş aktivliyinin qarşısını almaq məqsədilə Kəlbəcər və Laçın istiqamətində yerləşən birlik və qüvvələr tərəfindən dərhal təxirəsalınmaz əməliyyat həyata keçirilib. Əvvəlcə qarşı tərəfin hərəkəti məhdudlaşdırılıb, onun qüvvə və vasitələrinə zərər vurulub. Görülmüş qəti tədbirlər nəticəsində erməni hərbçiləri tərksilah edilərək saxlanılıb, xeyli sayda müxtəlif çaplı silah və külli miqdarda sursat qənimət kimi ələ keçirilib.
Genişmiqyaslı təxribat törətməklə qısa müddətli üstünlüyə nail olmaq istəyən Ermənistan hərbi bölmələrinin hücumu əməliyyat-taktiki baxımından tam iflasa uğrayıb və növbəti dəfə rəsmi İrəvanın təxribat törətmək cəhdi uğursuzluqla nəticələnib.
Eləcə də oxuyun:
* Ermənistan törətdiyi təxribat zamanı neçə hərbçisinin öldüyünü etiraf etdi
* Sıfır nöqtəsindən başlamaq – Ermənistanla sərhədin demarkasiyasına dair son yenilik
* Azərbaycan və Ermənistana çağırışlar: beynəlxalq təşkilatlar bu məsələyə qarışmaq istəmir
* Vəziyyətin gərginləşməsinə görə tam məsuliyyət Ermənistanın üzərinə düşür - Bəyanat
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала