Работа за компьютером. Архивное фото - Sputnik Azərbaycan, 1920
YAZARLAR
Müxtəlif müəlliflərin fərqli mövzularda xəbər, məqalə və köşə yazıları

Köhnə İran, bağlanan narkotrafik, Qafqazı gözləyən soyuq qış

© Sputnik / Aleksandr Kondratyuk / Fotobanka keçməkRusiya FTX-nin sərhədçiləri
Rusiya FTX-nin sərhədçiləri - Sputnik Azərbaycan, 1920, 18.10.2021
Xəbərlərə abunə olun
Sputnik Azərbaycan ötən həftənin ən maraqlı yeddi məqamını təqdim edir.

Köhnə İran

İranın bugünkü davranışının tarixi prototipi var. 1918-ci ildə Cümhuriyyətin müstəqilliyini Tehran 1920-ci ilə qədər tanımamışdı. Yalnız Paris Sülh Konfransında Azərbaycanın tanınması İranı da buna məcbur etdi. Ancaq hətta bundan sonra da Tehran 2 ay düşündü – mart ayında tanımanı elan etdi, ancaq onu da ratifikasiya etməmiş aprel ayında bolşeviklər Cümhuriyyəti devirdilər.
İndi Türkiyənin, Pakistanın, Səudiyyə Ərəbistanın, hətta Cibutinin belə diplomatik münasibətlər qurmadığı Ermənistana İranın “can deyib, can eşitməsi”, bu ölkə üçün süni nəfəs aparatı rolunda çıxış etməsi çox da təəccüb doğurmur. Konstitusiyasında özünü islam mühafizəkarı elan edən İran dığalar məscidlərdə donuz saxlayanda nəinki susmuşdu, tariximizə və təbiətimizə qarşı yönəlmiş terrorun iştirakçısı idi...
Ermənistanla sərhəddə Azərbayсan Ordusunun postu - Sputnik Azərbaycan, 1920, 15.10.2021
SİYASƏT
İlham Əliyev İranla Ermənistanın məkrli planı barədə: "30 il əlbir olub..."
İndi İranı qəzəbləndirən bir məsələ də var – nəzarətsiz Qarabağdan Avropaya doğru uzanan narkotik marşrutunun bağlanması. İran bu qeyri-leqal gəlirlə çox işlərini aşırırdı, bundan sonra necə olacaq?! Ac adam əsəbi olur axı. Ona görə də qonşularımızın emosionallığını başa düşürük, bir az su içsinlər, keçəcək.

Ermənilərin isə içməyə suyu da azalıb

Torpaqlarımızı işğaldan azad etməklə həm də bir çox su mənbələrini nəzarətimizə qaytardıq. İndi Xankəndidəki su böhranı həm də enerji sıxıntısı ilə müşayiət olunur. Elə Ermənistan da oxşar problemi yaşayır. Təkcə Laçın və Kəlbəcərdə 30-dan çox su elektrik stansiyası əldən çıxıb. Ermənistan özü Qarabağ ərazisindən enerji ilə qidalanırdı, üstəlik buradan İrana enerji satırdı və s. Qarabağdakı su qovşaqlarından Ermənistana nə az, nə çox - 300 meqaVatt enerji ötürülürdü.
İndi Ermənistanı soyuq qış gözləyir. Yeganə istilik axını Şərqdən – Azərbaycandan gələ bilər, bunun üçünsə İrəvan ağlını başına yığmalıdır.
Bu ağılla İrəvan öz xalqını dünyanın ən müflis, ən geridəqalmışları sırasında fəxri kürsünün ən yüksək pilləsinə çıxaracaq.

Səfalət artır

BMT-nin son məlumatına görə, pandemiya səbəbindən dünyada 160 milyon insan aclıqla üzləşib, 100 milyon azyaşlı isə tədris prosesindən kənarda qalmaq təhlükəsilə qarşılaşıb.
Əfqanıstanda daha bir məsciddə terror baş verib: həlak olanların sayı 62, yaralıların sayı isə 70 nəfər.
Somalidə terror aktları 20-dən çox insanın həyatına son qoyub. Tayvanda çoxmərtəbəli binada baş verən yanğın səbəbindən 50-dək sakin həlak olub. Çinin Şansi vilayətində qasırğa və daşqına görə 2 milyon nəfər evlərini tərk edib. Fəlakət zonasında 20 mindən çox ev dağılıb, 120 minədək sakin müvəqqəti sığınacaqlara yerləşdirilib.

Qalxdılar: İşıq, qaz və maaşlar

Suyun və işığın qiyməti qalxdı. Mütəəssirik, ancaq gəlin, əyri oturaq, düz danışaq, bizim su, işıq, qazı qənaətlə işlətmək vərdişlərimiz yoxdur. Baxırsan, su axıb küçələrdə gölməçələr yaradıb, gündüz vaxtı küçə işıqları günəşə “kömək edir”, evdə, işdə istifadə etmədiyimiz suyu, işığı söndürməyi lazım bilmirik və s. Ancaq nəzərə almalıyıq ki, onlar təbiətdən gedir. Bəlkə, qiymətləri artırmaqla bu resurslara qənaəti təmin etmək olar.
Vergi qanunvericiliyindəki son dəyişikliklərin turizm sahəsində tətbiqi ilə bağlı tədbir keçirilib - Sputnik Azərbaycan, 1920, 29.09.2021
CƏMİYYƏT
Tarif Şurasının iclası keçirildi - qiymətləri tənzimlədilər
Yeni tariflərin 4 nəfərdən ibarət bir ailənin elektrik enerjisi ödəmələri üzrə aylıq xərcinə təsiri 2,05 manat həddində proqnozlaşdırılır. Qeyri-əhali istehlakçı qrupları üzrə tarif 1 qəpik artırılaraq 10 qəpik təsdiq edilib. Ümid edək ki, sahibkarlar alıcılardan 5 qatını çıxarmayacaqlar...
Əziz Tarif Şurasının qiymətləri qaldırması barədə qərarı, sosial şəbəkələrə baxdıqda da hiss olunur ki, həyəcana səbəb oldu. Yaxşı ki, dövlət başçısı maaşların artımı ilə bağlı sərəncam imzaladı. Bu, sosial şəbəkələrdə ən çox müzakirə olunan mövzu ilə bağlı emosiyanı bir qədər azaltdı. Sərəncam 1 milyon 800 min nəfərədək vətəndaşın əmək haqqının artımını təmin edəcək.

Ölüm maşınları

Bakıda, aeroport yolunda 5 nəfərin ölümü, 25 nəfərin yaralanması ilə nəticələnən ağır yol qəzası baş verdi. Qəzanı törədən isə 19 yaşlı tələbə idi.
Qubada baş verən ağır yol qəzasında isə dörd nəfər öldü. “VAZ-2107” yoldan çıxaraq ağaca çırpılıb. Şübhəsiz, sürət həddi sürücüyə maşını “yığışdırmağa” imkan verməyib.
Yolda, harada “07” görsəniz, ona təhlükə mənbəyi kimi baxa bilərsiniz. Maşının özünün etibarsızlığı ilə yanaşı, onu sürənlər də sanki “seçilmişlərdir” – avtoşluğa meyillilərdir.

...yenə gözlərimiz axır

Bu arada Rusiyada ötən gün 18 nəfər spirtdən zəhərlənərək ölüb.
Spirtli içki İkinci Dünya Müharibəsində soyuğa qarşı dayanıqlılığı təmin etməkdə, əhval-ruhiyyəni yüksəltməkdə ruslara çox kömək etmişdi.
1941-ci ildən etibarən Stalin hərbçilərin qida rasionuna gündəlik olaraq 100 qram arağın əlavə edilməsi barədə qərar verib. Bu qərar 1945-ci ilin iyun ayına qədər qüvvədə qalıb. Amma indi... yəni, içməyin də bir həddi var...

Onlar belə sağdır

Həftənin ən təsirli görüntülərindən biri Nərimanov rayonunda yerləşən "Metro City" ticarət mərkəzində yanğın zamanı qeydə alındı.Telefon mağazasının sahibi yanğın zamanı obyektindən mal-mülkünü yox, Milli Qəhrəman, general-mayor Polad Həşimovun fotosu olan plakatı sökərək oradan çıxarır.
Bu xalq Qarabağı geri almalıydı... Şimalda, cənubda kimin nə arzulamasından asılı olmayaraq...
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала