CƏMİYYƏT
Cəmiyyətin həyatında baş verən aktual hadisələr

Azərbaycanın cənubunda sel evləri, təsərrüfatları basıb: kəndlər arasında əlaqə kəsilib

© Sputnik / Rahim MuradovНаводнение, фото из архива
Наводнение, фото из архива - Sputnik Azərbaycan, 1920, 19.07.2021
Abunə olmaq
Onlarla iri və xırdabuynuzlu mal-qaranı, ev quşlarını sel aparıb. Kənddaxili yollarda böyük yarğanlar yaranıb, kəndlər arasında əlaqə kəsilib, qaz, işıq və rabitə xətlərinə ziyan dəyib.

BAKI, 19 iyul - Sputnik. Ötən gün Lerikdə başlayan və 2 saat davam edən leysan yağışları nəticəsində 15 kənddə 30-a yaxın sakinin həyətyanı sahəsini sel suları basıb, vətəndaşların təsərrüfatlarına ciddi ziyan dəyib.

Sputnik Azərbaycan APA-ya istinadən bildirir ki, 180 hektar kartof, 65 hektar meyvə bağı, 45 hektar tərəvəz sahəsi sıradan çıxıb. 350-dən çox arı ailəsini, onlarla iri və xırdabuynuzlu mal-qaranı, ev quşlarını sel aparıb. Rayonun Kələxan kənd sakininə məxsus evin bir divarı uçub. Sel nəticəsində kənddaxili yollarda böyük yarğanlar yaranıb, kəndlər arasında əlaqə kəsilib, qaz, işıq və rabitə xətlərinə ziyan dəyib.

Hazırda Lerik Rayon İcra Hakimiyyətinin Fövqəladə Hallar Komissiyası tərəfindən təbii fəlakətin fəsadlarının aradan qaldırılması üçün zəruri tədbirlər görülür. Ərazidə elektrik enerjisinin, təbii qazın verilişi, rabitənin bərpası və kəndlərarası yolların açılması işlərinə başlanılıb. Fövqəladə Hallar Nazirliyinin Cənub Regional Mərkəzinin əməkdaşları hazırda əraziyə dəymiş ziyanı müəyyənləşdirirlər.

Eləcə də oxuyun:

Xəbər lenti
0