BAKI, 14 mart — Sputnik. “Neftçi” futbol klubu fəaliyyətini müvəqqəti olaraq dayandırıb.
Sputnik Azərbaycan xəbər verir ki, bu barədə paytaxt klubunun rəsmi saytında məlumat verilib.
Qeyd edilib ki, koronavirus infeksiyasının (COVID-19) dünya ölkələri arasında sürətlə yayılmaqda davam etməsinə görə Azərbaycan Respublikası Nazirlər Kabineti yanında Operativ Qərargahın verdiyi qərarla əlaqədar, "Neftçi” PFK böyük heyətə malik olan kollektivin sağlamlığını nəzərə alaraq, infeksiyaya yoluxmaq riskini azaltmaq məqsədilə bütün fəaliyyətini bir müddətlik, müvəqqəti dayandırıb.
Məlumatda həmçinin bildirilir ki, növbəti addımlar haqqında ictimaiyyətə məlumat veriləcək.
