CƏMİYYƏT
Cəmiyyətin həyatında baş verən aktual hadisələr

Sürüşmə zonasında son durum: Rəsmilər vəziyyətin ciddi olduğunu bildirirlər

© Photo : REPORTОползневая зона в поселке Баилово Сабаильского района Баку, фото из архива
Оползневая зона в поселке Баилово Сабаильского района Баку, фото из архива - Sputnik Azərbaycan
Abunə olmaq
Eldar Əzizov: “Bayıl yamacında sürüşmə sahəsində vəziyyət ciddidir”

BAKI, 10 fevral — Sputnik. “Bayıl yamacında baş verən sürüşmə nəticəsində 4 ev tamamilə dağılıb”.

Sputnik Azərbaycan APA-ya istinadla xəbər verir ki, bunu Səbail rayon İcra Hakimiyyəti başçısının müavini, Fövqəladə hallar komissiyasının sədri Abid Əliyev deyib.

Televiziya Qülləsi yaxınlığında sürüşmə sahəsi - Sputnik Azərbaycan
CƏMİYYƏT
Gözlənilən oldu: Bayıl yamacı sürüşdü, bir neçə ev dağılıb

O bildirib ki, dağıntılar yola tökülüb: “Hadisə nəticəsində xəsarət alan yoxdur. Çünki 15 gün əvvəl bütün evlər boşladılmışdı.  Ərazidə yaşayış yoxdur. Bura təhlükəli ərazi kimi müəyyənləşdirilib və  sürüşmə aktivləşən gündən ərazinin sakinləri köçürülüb, qaz, işıq, su  verilməsi dayandırılıb”.

A.Əliyev deyib ki, yağış yağan günlərdə həmin ərazidə mütəxəssislər tərəfindən tədqiqatlar aparılırdı: “Bu proses daimi nəzarətdədir. Yağışlar yağdıqdan sonra ərazidə təhlükə artıb, artıq sürüşmə aktivləşib. Proses davam edir.  FHN əməkdaşları, seysmoloqlar, aidiyyatı mütəxəssislər ərazidə  işləyir, məsələni aydınlaşdırır. Gündüzlər sakinlər evlərinə gəlib baxırlar. Gecələr ümumiyyətlə, yaşamağa icazə verilmir. Polis əməkdaşları tərəfindən bu ərazi nəzarətə götürülüb. 90-a yaxın ailəni siyahıya almışıq. Siyahı Nazirlər Kabinetinə təqdim olunub. Qərar qəbul olunsa ki, burda yaşamaq təhlükəlidir, evlərinə qayıda bilməzlər, o halda onlara yaşamaq üçün dövlət tərəfindən kirayə haqqının ödənilməsi məsələsi qaldırılacaq”.

Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının rəisi Əziz Qaralov bildirib ki, Bayıl yamacında sürüşmə sahəsi aktiv fazadadır: “Çatlarda  dərinləşmə 5-6 metrə çatıb”.

Səbail rayonu Bayıl yamacında qanunsuz tikililər - Sputnik Azərbaycan
Bayıl yamacı sürüşmə zonasının sakinləri ilə bağlı yeni xəbər

“Bayıl yamacında sürüşmə sahəsində vəziyyət ciddidir, hazırda ərazidə təhlükəsizlik tədbirləri görülür".

Bunu, Bayılda sürüşmə baş verən ərazidən köçürülən sakinlərlə görüşdə Səbail rayon İcra Hakimiyyətinin başçısı Eldar Əzizov deyib.

Rayon İH başçısı bildirib ki, hazırda danışıqlar gedir, gələn həftənin əvvəlində evlərindən köçürülən sakinlərə kirayə pulları veriləcək.

E. Əzizov yaşamaq üçün yeri olmayan sakinlərə orta məktəbdə yer ayrıldığını, onların gündə 3 dəfə isti yeməklə təmin olunduğunu da açıqlayıb.

Səbail RİH başçısı Bayıl yamacının aşağı hissəsində, sürüşmə sahəsində yaşayan digər sakinlərin də ərazidən köçürülməsi üçün göstəriş verib.

Xəbər lenti
0