CƏMİYYƏT
Cəmiyyətin həyatında baş verən aktual hadisələr

Bakının bir addımlığından mərkəzə doğru qorxunc iddia

© Sputnik / Irade JELILYeni Bakı
Yeni Bakı - Sputnik Azərbaycan
Abunə olmaq
"Əvvəl bayırdan qışqırıq səsləri gəlməyə başladı, sonra əllərində "kuvalt", "lom" və digər alətlər olan şəxslər içəri girməyə çalışdılar..."

İradə Cəlil, Sputnik Azərbaycan

BAKI, 31 iyul — Sputnik. Masazır qəsəbəsi "Yeni Bakı" yaşayış kompleksinin rəhbərliyi ilə sakinlər arasında qalmaqal davam edir. Hətta tərəflər bir-birilərinə qarşı məhkəmə iddiaları qaldırıblar.

Bu günlərdə bir qrup "Yeni Bakı" sakini Sputnik Azərbaycan-a müraciət edərək, qarşılaşdıqları növbəti problemi işıqlandırmağımızı xahiş etdi. Şikayətçi II qrup əlil Səməd Səmədovun sözlərinə görə, "Yeni Bakı" yaşayış kompleksində mənzil alan gündən bu yana müxtəlif problemlərlə üzləşirlər: "Bu problemlər şəhərciyi inşa edən "İlin Dörd Fəsli" MMC və onun şəhərciyə təyin etdiyi, qeyri-qanuni idarəetmə ilə məşğul olaraq bizləri soyan "komendantlıq" adlı qurum və onun mühafizə adı altında fəaliyyət göstərən, əslində isə sakinləri hədə-qorxu yolu ilə əzən, onlara müxtəlif dərəcəli bədən xəsarətləri yetirən quldur dəstələri tərəfindən yaradılmaqla başlayıb".

Abşeron Gənclər Şəhərciyindən bir görünüş - Sputnik Azərbaycan
CƏMİYYƏT
Nəhəng şəhərciyin sakinləri elementar problemdən əziyyət çəkirlər

"Məlum olduğu kimi, mühafizə dəstələri dövlətin xüsusi nəzarəti altındadır və müvafiq dövlət qurumu tərəfindən verilən lisenziya ilə fəaliyyət göstərərək insanların təhlükəsizliyini qoruyur. Heç bir dövlət orqanında qeydiyyatda olmayan bu "mühafizə dəstələri" isə sakinlərə davamlı şəkildə fiziki və mənəvi təzyiqlər göstərməklə və bədən xəsarətləri yetirməklə bizi qorxu və səksəkə içərisində yaşamağa məcbur edirlər" — sakin bildirir.

O, əlavə edir ki, aprelin 28-də sakinlər MİS-in əməkdaşları tərəfindən daha bir problemlə üzləşiblər: "Qonşumuz Vəliyev Azad Şamil oğlu mənzilinin elektrik təminatının dayandırıldığını və təklikdə mənzilinin elektrik təminatını bərpa edə bilməyəcəyini qeyd edərək, bərabər şəkildə onun blokuna gedərək mənzilinin doğranmış elektrik kabellərinin qoşulmasına yardım etməyimizi xahiş etdi. Bərabər şəkildə elektrik enerjisini bərpa etməyə çalışırdıq, lakin sonradan məlum oldu ki, qonşumuz Azad Vəliyevin qorxusu əsassız deyilmiş. Belə ki, elektrik naqillərini qoşarkən məlum oldu ki, yuxarı mərtəbədən Azadın mənzilinə gedən elektrik kabellərinə MİS-in işçiləri "nol" və "faza" (müsbət və mənfi yüklü) kabelləri birləşdiriblər ki, elektriki bərpa edən zaman qısaqapanma yaransın".

Səmədovun sözlərinə görə, elektrik enerjisini bərpa etməyə çalışan zaman bayırdan qışqırtı səsləri gəlməyə başlayıb: "Bu zaman biz blokun qapısına tərəf gəldikdə, komendantlığın 7-8 nəfər işçisinin, əllərində "kuvalt", "lom" və digər alətlərlə blokun qapısına tərəf gəldiklərini gördük. Anladıq ki, bu alətlərlə silahlanmış quldur dəstələri bizə bədən xəsarətləri yetirə bilərlər və buna görə də blokun dəmir qapısını bağlamağa və qapının arxasında gizlənməyə məcbur olduq. Blokun qapısına gəlib çatan mühafizəçi adlı quldur dəstəsinin üzvləri qışqırıq salaraq blokun qapısını açmağımızı tələb etdilər. Lakin biz qapını açmağa qorxurduq, çünki onlar çox idilər və üstəlik əllərində müxtlif alətlər var idi, bu halda bizə xəsarətlər yetirə bilərdilər".

"Qapını açmadığımızı görüb blokun dəmir qapısında olan və daha öncədən şüşəsini sındırdıqları pəncərədən əllərini içəri salaraq bizi vurmağa və qapını açmağa cəhd edirdilər. Onlar sınmış şüşəyə əllərini sürtərək öz bədənlərində xəsarət izləri yaratmağa başladılar. Hətta məsələ o həddə çatdı ki, əllərində olan kuvaltla dəmir seyf qapını sındırmağa başladılar. Elə bu zaman onların rəisi komendant Ehtiram Ramiz oğlu Yusifovun gəldiyini gördük. Bu zaman bizdə belə bir ümid hissi yarandı ki, Ehiram Yusifov vəziyyəti sakitləşdirər və biz rahat şəkildə blokdan bayıra çıxa bilərik. Lakin hadisələr daha da dramatik şəkil aldı, onlar Ehtiram Yusifovun göstərişi ilə bizə qarşı daha da azğınlaşdılar. Ehtiram Yusifov onlara tapşırdı ki, bunları blokdan bayıra çıxarıb qurşaqdan aşağı döyün. Fiziki zorakılığın daha da genişləndiyini görüb bu zaman özümüzü qorumağa çalışaraq 102 polis xidmətindən kömək istədik" — şikayətçi sakin qeyd edir.

Səməd Səmədov daha sonra bildirir: "102-nin ardınca Abşeron Rayon Polis İdarəsinin rəis müavini Azər müəllimə zəng etdim. Bir müddət sonra Abşeron Rayon Polis İdarəsinin əməkdaşları hadisə yerinə gəldilər. Bundan sonra biz blokdan çıxa bildik. Bu hadisə, demək olar ki, 20-25 dəqiqə — təqribən axşam saat 20:00-dan 20:25-dək davam etdi. Biz bayıra çıxdıqdan sonra "İDF" MMC-nin hüquqşünası, müxtəlif müxalifət partiyalarında, xüsusilə uzun müddət AXCP-də təmsil olunan Mehman Muradlı adlı şəxs də hadisə yerinə gəldi. Polis orqanlarının hadisə yerinə gəlməsinə baxmayaraq, onlar sakinlərə təzyiq etməkdə, "yaxşı edirik", "biz beləyik" və s. bu kimi ifadələrlə bizi hədələməkdə davam edirdilər".

Yeni Bakı Yaşayış Kompleksi - Sputnik Azərbaycan
CƏMİYYƏT
Məşhur yaşayış kompleksi ətrafında böyük qalmaqal

"Hadisə yerinə gəlmiş polis əməkdaşları və Aslan adlı təhqiqatçı hadisə yerindən foto və video materialları, quldur dəstəsinin əllərindəki dəmir alətlərin şəkillərini çəkərək özü ilə götürdü. Bundan sonra polis əməkdaşları bizi Abşeron Rayon Polis İdarəsinə dəvət edərək bizdən izahat aldılar. Onu da qeyd edək ki, bu hadisədən bir neçə gün əvvəl şəhərciyin digər sakinlərinə — Yeganə Tahirovaya və Natiq Pənahlıya da həmin şəxslər tərəfindən eyni səpkili hücumlar edilib və bədən xəsarətləri yetirilib. Bu barədə şikayət Abşeron Polis İdarəsində qeydiyyatdadır. Polis İdarəsində bizdən izahat alınarkən bildirdilər ki, bu iki hadisə birləşdirilərək "İDF" MMC və onun işçilərinə qarşı cinayət işi açılacaq. Hətta Abşeron Rayon Polis İdarəsində bizə dedilər ki, "nəhayət, "Yeni Bakı" şəhərciyindən indiyə kimi daxil olan şikayətlərə son qoya biləcəyik, 1-2 nəfəri cəzalandırmaqla onların özbaşınalıqlarına son qoyulacaq" — şəhərcik sakini vurğulayır.

S. Səmədov bildirir ki, aradan bir müddət keçdikdən sonra — 14 iyul 2017-ci ildə Abşeron Rayon Polis İdarəsinin Əsgər Kazımov adlı müstəntiqi onlara zəng edərək, cinayət işinin açıldığını və polis idarəsinə gəlmələrini tələb edib: "Polis İdarəsinə gedərkən müstəntiq Əsgər Kazımov bizdən izahat almağa cəhd etdi və cinayət işinin quldur dəstəsinə qarşı deyil, bizə — Səmədov Səməd Mirəli oğlu, Əliyev Əmiralı Qadir oğlu və Vəliyev Azad Şamil oğluna qarşı çevrildiyinin şahidi olduq. Polis İdarəsində bizə müstəntiq dedi ki, "sizə qarşı 221.2, 221.3-cü maddələrlə cinayət işi açmışıq". İndi biz, saytımız vasitəsilə ölkə başıçısına müraciət edərək, bizi düşdüyümüz bu vəziyyətdən çıxarmasını xahiş edirik".

Yaşayış evləri, arxiv şəkli - Sputnik Azərbaycan
CƏMİYYƏT
Gecələr paytaxt sakinlərinə əzab verilir

Məsələ ilə bağlı "İlin dörd fəsli" MMC-nin hüquqşünası Mehman Muradlı ilə də əlaqə saxladıq. Onun sözlərinə görə, Azad Vəliyevin ötən ilin noyabr ayından bu ilin aprelinə qədər elektrik enerjisinə görə 500 manat borcu olub: "Ona dəfələrlə xəbərdarlıq edilsə də, borcunu ödəməyib. Hər şey də Azad Vəliyevin işığının MİS tərəfindən kəsilməsindən sonra başlayıb".

"Bundan sonra o, elektrik "şit"inə müdaxilə etməyə çalışıb. Kameralarda da qeydə alınıb, müdaxilə zamanı partlayış baş verib. Partlayış baş verən zaman işçilər müdaxilə etmək üçün bloka girməyə çalışıblar. Həmin vaxt Əmralı Əliyev və Səməd Səmədov da içəridə olublar. Onlar işçilərin içəri girməsinin qarşısını almaq üçün blokun qapısını bağlayıblar. Şitdə partlayış olanda bütün blokun işığı kəsilir. İşçilər içəri girmək istəyəndə Əmralı işçinin qolunu burub, imkan verməyib ki, qapı açılsın. Sonra polis gəldi, ekspertiziya rəyləri var. Polis gələn zaman ortada cinayət faktının olduğu müəyyən edilib" — hüquqşünas qeyd edib.

M. Muradlı bildirib ki, hazırda Abşeron Rayon İstintaq Şöbəsində araşdırma davam edir: "Konkret kiməsə qarşı cinayət işi yoxdur. Onları şahid qismində üzləşməyə dəvət ediblər. İki dəfə bizi dəvət ediblər. MMC-dən gedib gözləyiblər, amma onlar getməyiblər".

Şirkət təmsilçisinin dediyinə görə, MİS həmin hadisə zamanı elektrik "şit"-inə dəymiş zərəri də hesablayıb: "Hadisə zamanı "şit"ə 800-1000 manat məbləğində zərər dəyib. Bu hadisə baş verməmişdən əvvəl Azad Vəliyevin MİS-ə ünvanladığı iki ərizə var. O, ərizələrində borcu hissə-hissə ödəməyi xahiş edib. Bir də "şit"ə daha əvvəl vətəndaşların toxunmaması üçün 4 dəfə qıfıl vurulub, onu kəsiblər. Dəymiş zərərin ödənilməsi üçün xahiş də edib".

Abşeron Rayon Polis İdarəsindən isə Sputnik Azərbaycan-a bildiriblər ki, istintaq şöbəsinin rəisi işdə deyil və bu barədə ancaq o, məlumat verə bilər.

Xəbər lenti
0