Qələm - Sputnik Azərbaycan
TƏHLİL
Sosial-iqtisadi, ictimai-siyasi, mədəniyyət, idman və digər sahələrə aid aktual təhlillər

Banklarla bağlı müəmmalı vəziyyət

© Sputnik / Kirill Kallinikov / Mediabanka keçidHərrac,arxiv şəkli
Hərrac,arxiv şəkli - Sputnik Azərbaycan
Xəbərlərə abunə olun
НовостиTelegram
Müştərilərə yaxşı qiymətlərin təklif olunması üçün hərrac mərkəzlərində daşınan və daşınmaz əmlakın satışının şəffaflığını təmin edən mexanizmləri yaratmaq lazımdır

BAKI, 27 aprel — Sputnik. Azərbaycan Banklar Assosiasiyası nəzdində Hərrac mərkəzinin təşkil olunması praktiki baxımdan yaxşı ideyadır.

Bunu Sputnik Azərbaycan-a daşınmaz əmlak üzrə ekspert Rəşad Əliyev deyib.

Bir qədər əvvəl Azərbaycan Banklar Assosiasiyasının sədri Zakir Nuriyev Azərbaycanda bankların daşınmaz və daşınan əmlakının satışını həyata keçirmək üçün Hərrac mərkəzinin yaradıldığını bildirib. Onun sözlərinə görə, mərkəz Assosiasiyanın nəzdində fəaliyyət göstərəcək. 

Bank filialı qarşısında növbə - Sputnik Azərbaycan
CƏMİYYƏT
Bankların kaprizlərinə dözməkdən qurtuluruq

Hərracların keçirilməsi məqsədilə yaradılan mərkəz Azərbaycanda bağlanmış 11 bankın əmlakının satışı ərəfəsində meydana gəlib.

Əliyevin sözlərinə görə, hərrac mərkəzinin yaradılması ilə bağlı danışıqlar gedirdi. Lakin müxtəlif məlumatlara görə, bu, hansısa dövlət orqanının nəzarəti altında yaradılmalı idi. Bununla belə, hələ ki, heç kəs onun fəaliyyətinə dair nizamnaməni görməyib.

"Məlum deyil ki, onu kim idarə edəcək, o, necə təşkil ediləcək – ayrıca hüquqi şəxs kimi, yoxsa yox. Hələlik təkliflər yalnız KİV səviyyəsində gedir" – deyə Əliyev bildirib.

Hazırda qanunvericilik aspekti ilə bağlı olan bəzi proseslər gedir. Məsələ burasındadır ki, borclu kreditini qaytara bilməyəndə onun əmlakı qiymətləndirilir və satılır. Amma elə hallar da var ki, daşınmaz əmlak bankın özünə məxsus olur. 

Mərkəzi Bank - Sputnik Azərbaycan
İQTİSADİYYAT
Mərkəzi Bankın banklarla əlaqəsi kəsilir

"Əgər söhbət bunun nə qədər düzgün olmasından gedirsə, ilk baxışdan bu düzgün deyil. Mən düşünürəm ki, bu praktiki baxımdan yaxşı ideyadır. Əlbəttə, əgər bütün hərraclar ABA tərəfindən şəffaf təşkil edilsə" – deyə ekspert bildirib.

Əlbəttə, belə fikir də var ki, bankların yurisdiksiyası altında keçirilən hərraclar ideyası özünü doğrultmayacaq. Hərrac belədir ki, alıcılar gəlirlər və daha yüksək qiymət verən, təklif olunan məhsulu alır. Girovun satılmasından sonra kredit borcu ödənir.

"Ona görə də, məlum narahatçılıq var. Biz vəziyyəti bilmirik, mərkəzin nizamnaməsi ilə tanış deyilik və bilmirik ki, o, necə formalaşdırılacaq! Orada dövlət orqanları tərəfdən müşahidəçilər olacaqmı? O da var ki, hər şey işin necə təşkil edilməsindən asılı olacaq. Hər halda, bu istiqamətdə atılan addım müsbətdir" – deyə Əliyev bildirib.

Əliyev hərracların qiymətləndirmə şirkətləri, yaxud rieltor kontorları tərəfindən keçirilməsinin əleyhinə çıxıb. Çünki qiymətləndiricilər əmlakın satıcıları deyil, rieltorlar isə öz şirkətlərinin adından fəaliyyət göstərən şəxslərdir. 

Bank əməliyyatı - Sputnik Azərbaycan
Azərbaycan banklarının müalicəyə ehtiyacı var

"Bu işi onların himayəsi altına vermək daha pisdir. Xaricdə bəzən belə təcrübə var ki, girovların satılması üçün rieltor şirkətlərini cəlb edirlər. Amma bu, daha az şəffaf olacaq" – deyə daşınmaz əmlak üzrə ekspert bildirib.

Hazırda Azərbaycan Əmanətlərin Sığortalanması Fondu ləğv olunmuş 11 bankın (Qafqaz İnkişaf Bankı, United Credit Bank, Bank Standard, Zaminbank, Dekabank, Kredobank, Atrabank, Bank of Azerbaijan, Gandjabank, Texnikabank və Parabank) müştəriləri qarşısındakı öhdəliklərinin yerinə yetirilməsinin təmin olunması üzərində işləyir.

Xəbər lenti
0