BAKI, 8 iyul — Sputnik. 2014-cü il iyulun 8-də futbol üzrə dünya çempionatının finalında Almaniya ilə Braziliya yığma komandaları üz-üzə gəlib. Belo Horizonte şəhərində "Mineirao" stadionunda keçirilən görüşün birinci hissəsi 5:0 hesabı ilə alman futbolçuların üstünlüyü ilə başa çatıb — topların beşi də ilk yarım saat ərzində vurulub.
Braziliya komandasının qapısından topları Thomas Müller (11-ci dəqiqədə), Miroslav Klose (23-cü dəqiqədə), Toni Kroos (24-cü və 26 dəqiqələrdə) keçiriblər. Oyunun ikinci hissəsində André Schürrle (69-cu və 79-cu dəqiqələrdə) Braziliya millisinin qapısından daha iki qol vurub.
Yeganə cavab qolu Almaniya komandasının qapısından görüşün son dəqiqələrində Oscar dos Santos keçirib. Nəticədə Almaniya millisi braziliyalıları 7:1 hesabı ilə məğlub edib.
"Mən şok içindəyəm. Bu, inanılmazdır. Onların oyunu məşqə oxşayır, sanki komandalardan biri o birisini məşq etdirir. Xüsusilə hücumçuları saxlayan müdafiəçilər zəif görünür", — oyun əsnasında Braziliya millisinin keçmiş üzvü Jununho deyib.
Bu vaxta qədər Braziliya komandası ən böyük hesabla 1920-ci ildə Çilidə Uruqvay millisinə 0:6 hesabı ilə məğlub olmuşdu.
