BAKI, 17 iyun-Sputnik. Bu gün baş tutan Formula 1 üzrə Avropa Qran-prisinin sərbəst yürüşündə pilotlar çıxılmaz vəziyyətə düşüb.
Sputnik xəbər verir ki, "Haas" komandasının pilotu Esteban Qutyerres yolu səhv salıb.
Belə ki, trekin 16-cı döngəsində sola dönməli olan Estaban Qutyerres düz istiqamətdə hərəkət edərək yolun bağlı olduğunu görüb. Daha sonra pilot bolidini doğru istiqamətə sürərək mübarizəyə davam edib.
"Renault"un pilotu Kevin Maqnussen də eyni halı təkrarlayıb.
Xatırladaq ki, hazırda ən yaxşı göstərici "Mercedes"in pilotu Lyuis Hamiltona məxsusdur.
