https://sputnik.az/20211022/monteneqro-telman-smayilovu-rusiyaya-vermedi-434503830.html

Monteneqro Telman İsmayılovu Rusiyaya vermədi

Monteneqro Telman İsmayılovu Rusiyaya vermədi

Sputnik Azərbaycan

Onun azad olunması haqda qərarı Podqoritsa Ali Məhkəməsinin sədri Vladimir Novoviç verib. 22.10.2021, Sputnik Azərbaycan

2021-10-22T22:06+0400

2021-10-22T22:06+0400

2021-10-23T09:52+0400

dünya xəbərləri

rusiya federasiyası

telman ismayılov

monteneqro

sığınacaq

ekstradisiya

https://cdnn1.img.sputnik.az/img/40930/31/409303155_0:0:2765:1555_1920x0_80_0_0_cb708b4b8213e519133e6951ab2221a9.jpg

BAKI, 22 oktyabr - Sputnik. Biznesmen Telman İsmayılov Monteneqroda sığınacaq alıb. Sputnik Azərbaycan bildirir ki, bu barədə Vijesti nəşrinə Azərbaycan əsilli milyarderin vəkili Miloş Vuksanoviç deyib.Moskvadakı Çerkizov bazarının sabiq sahibi bu il oktyabrın 1-də Podqoritsada saxlanılmış, Moskva onun ekstradisiyasını istəmişdi."Azərbaycandan olan milyarder ekstradisiya təcridxanasından buraxılıb", - portal yazır.Onun azad olunması haqda qərarı Podqoritsa Ali Məhkəməsinin sədri Vladimir Novoviç verib.Bundan öncə məlumat yayılmışdı ki, noyabrın 12-də Monteneqro məhkəməsi Telman İsmayılovun ona siyasi sığınacaq verilməsi ilə bağlı müraciətinə baxacaq.Telman İsmayılov niyə həbs olundu?Rusiyanın ən varlı biznesmenlərinin siyahısına daxil olan İsmayılov 2009-cu ildə əsas aktivi - paytaxtın ən böyük xırda topdansatış ticarət mərkəzi olan Çerkizov bazarı haqda hüquq mühafizə orqanlarından böyük iddialarla üz-üzə qaldı. Sanitar nəzarət orqanları orada çoxsaylı pozuntu aşkarladıqdan sonra bazar bağlandı.RF İstintaq Komitəsinin rəsmi nümayəndəsi Svetlana Petrenko RİA Novosti-nin sorğusuna cavabında deyib ki, təmsil etdiyi qurumun icraatında Telman İsmayılovun iki sahibkarın qətli və digər qanunsuz əməllərinə dair cinayət işi var.Onun sözlərinə görə, istintaqdan yayındığına görə İsmayılov barəsində beynəlxalq axtarış verilib.İstintaqın məlumatına görə, T.İsmayılov sahibkarlar Vladimir Savkin və Yuri Brılyovun qətlini təşkil edib. Bildirilir ki, cinayətin planını qardaşları Rafiq və Vaqif İsmayılovlarla cızıb. İcraçı isə Mehman Kərimov olub. 2016-cı il mayın 15-də Novorijski şossesində Kərimov avtomobilin içində Savkinlə Brılyova tapançadan atəş açıb və onlar ölüblər. Rafiq İsmayılov Kərimovu hadisə yerindən çıxarıb, sonra isə əlbir olan qardaşlar həm Kərimovu, həm də cinayət alətini gizlədiblər.Rafiq İsmayılovla Mehman Kərimov nəzarətə götürülüblər. Telman və Vaqif İsmayılovlar barəsində isə qiyabi həbs tədbiri seçilib. Mehman Kərimova 13 il ciddi rejimli koloniyada həbs kəsilib.Eləcə də oxuyun:* Telman İsmayılovun Rusiyaya ekstradisiyasına hazırlıq görülür* Şakiranı oynadan azərbaycanlı hədəfdə - Rusiya Baş Prokurorluğu sorğu göndərdi* Telman İsmayılovun barəsində cinayət işi açılıb, 5 ilədək həbs cəzası ala bilər* Telman İsmayılova daha bir zərbə vuruldu, vəziyyəti pisləşir

2021

xəbərlər

ru_AZ

rusiya federasiyası, telman ismayılov, monteneqro, sığınacaq, ekstradisiya