16:50 16 Noyabr 2018
Canlı yayım
  • USD1.7000
  • RUB0.0258
  • EUR1.9267
NATO liderlərinin Brüssel görüşü

Ərdoğan, Mey və Merkel üçün həyəcanlı anlar — VİDEO

© AFP 2018 / Brendan Smialowski
DÜNYA
Qısa URL
323 0 0

Liderlər qarşılaşmanın son dəqiqələrini ayaqüstü, mobil telefon vasitəsilə birlikdə seyr ediblər

BAKI, 12 iyul — Sputnik. Türkiyə prezidenti Rəcəb Tayyib Ərdoğan, Böyük Britaniyanın baş naziri Tereza Mey, Almaniya kansleri Angela Merkel və Albaniyanın baş naziri Edi Rama 2018-ci il futbol üzrə Dünya Çempionatının Xorvatiya – İngiltərə yarımfinal oyununun son dəqiqələrini birlikdə mobil telefondan izləyiblər.

Sputnik Azərbaycan xəbər verir ki, NATO zirvəsinə qatılmaq üçün Belçikanın paytaxtı Brüsseldə olan Ərdoğan, Mey, Merkel və Rama yarımfinal oyunun son dəqiqələrini ayaqüstü mobil telefon vasitəsilə birlikdə seyr ediblər. Albaniya baş naziri sosial şəbəkədəki hesabında "Son Dəqiqə" (Minuta e Fundit) mesajı ilə paylaşdığı videoda Türkiyənin xarici işlər naziri Mövlud Çavuşoğlu da yer alıb.

Qarşılaşmanın son anlarını diqqətlə izləyən liderlər, eyni zamanda oyunu da şərh ediblər. Videoda Çavuşoğlunun Meyə oyunun baş hakimi Cüneyt Çakırın türk olduğunu, oyun bitdiyində isə Albaniya baş naziri Ramanın finala yüksəlmə şansını itirən İngiltərə baş naziri Meyi təsəlli edərək "Dünya kuboku Qərbi Balkanlara gəlir" deməsi əksini tapıb.

Qeyd edək ki, ötən gün dünya çempionatının yarımfinal mərhələsində Xorvatiya millisi İngiltərə ilə qarşılaşıb. 90 dəqiqəsi 1-1 hesabı ilə bitən oyunda əlavə vaxtda hücumçu Mandzukiçin vurduğu qolla Xorvatiya millisi finala yüksəlib.

Əlaqədar

DÇ-2018: İkinci finalçının adı məlum oldu
DÇ-2018: İlk finalçı məlum oldu
DÇ-2018: Rusiya Xorvatiya səddini keçə bilmədi
DÇ-2018: Üçüncü yarımfinalçı da məlum oldu
Teqlər:
Albaniyanın baş naziri Edi Rama, futbol üzrə dünya çempionatı, Tereza Mey, Almaniya kansleri Angela Merkel, Böyük Britaniya, Rəcəb Tayyib Ərdoğan, Türkiyə, final, İngiltərə, baş nazir, prezident

Əsas mövzular