16:23 20 İyun 2021
Canlı yayım
  • USD1.7000
  • EUR2.0259
  • RUB0.0235
© AR Ministry of Defence

Ağdam rayonu ərazisində müasir avadanlıqla təchiz olunmuş müxtəlif təyinatlı qurğulardan ibarət növbəti modul tipli kompleks istifadəyə verilib.

BAKI, 10 may — Sputnik. Azad edilmiş ərazilərdə dislokasiya olunan Azərbaycan Ordusu bölmələrinin hərtərəfli təminatı və qoşun xidmətinin təşkili, eləcə də şəxsi heyətin sosial-məişət şəraitinin daha da yaxşılaşdırılması ilə bağlı Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin göstərişinə əsasən həyata keçirilən tədbirlər davam edir.

Sputnik Azərbaycan Müdafiə Nazirliyinə istinadən bildirir ki, şəxsi heyətin xidməti və döyüş fəaliyyətinin təşkili, eləcə də məişət şəraitinin təmin edilməsi məqsədilə Ağdam rayonu ərazisində müasir avadanlıqla təchiz olunmuş müxtəlif təyinatlı qurğulardan ibarət növbəti modul tipli kompleks istifadəyə verilib.

Açılış mərasimdə çıxış edən hərbi birlik komandiri general-mayor Hikmət Həsənov Müdafiə nazirinin təbriklərini şəxsi heyətə çatdırıb. Tədbirdə bildirilib ki, hərbi qulluqçuların bütün zəruri ehtiyaclarını təmin edəcək bu modul tipli qurğuda silah otağı, yataqxana, yeməkxana, mətbəx, eləcə də hamam-sanitar qovşağı mövcuddur.

Azad olunmuş digər ərazilərimizdə modul tipli yeni hərbi hissələrin tikintisi prosesi davam etdirilir.

Eləcə də oxuyun: 

O əməliyyatdan sonra Ermənistanda hay-küy qalxdı - İlham Əliyev

"Vətən Müharibəsi Qəhrəmanı"nın tabutu hərbi ehtiram zamanı Dövlət bayrağı ilə örtüləcək

* Məşhur fotoqraf: "Şuşa döyüşləri gələcəkdə bütün hərbi akademiyalarda dərslərə salınacaq"

 

Teqlər:
video, hərbi hissə, işğaldan azad edilmiş ərazilər, Ağdam

Digər videolar

Əsas mövzular