00:50 19 İyun 2021
Canlı yayım
  • USD1.7000
  • EUR2.0259
  • RUB0.0235
SİYASƏT
Qısa URL
4706

Azərbaycanın Xarici İşlər Nazirliyi: Ermənistanı yalan bəyanatlarla vəziyyəti gərginləşdirməməyə çağırırıq.

BAKI, 26 may - Sputnik. "25 may 2021-ci il tarixində Ermənistan-Azərbaycan dövlət sərhədində Azərbaycan Silahlı Qüvvələri tərəfindən Ermənistanın Geqarkunik rayonunun Yuxarı Şorca yaşayış məntəqəsi ərazisindəki mövqelərinin guya Kəlbəcər rayonu ərazisindən atəşə tutulması barədə Ermənistan tərəfindən yayılan məlumatlar həqiqətə uyğun deyil.

Azərbaycan Respublikasının Müdafiə Nazirliyi və Dövlət Sərhəd Xidməti tərəfindən bu xüsusda verilən açıqlamalarda sözügedən ittihamların yalan xarakteri daşıdığı, Azərbaycan Silahlı Qüvvələrinin bölmələri tərəfindən Ermənistan ərazisinə atəş açılmadığı bəyan edilib".

Bu barədə Sputnik Azərbaycan-a Azərbaycan Respublikası Xarici İşlər Nazirliyindən bildirilib.

Qeyd edilir ki, Ermənistan tərəfindən yayılan növbəti yalan, qarşı tərəfin öz silahlı qüvvələri arasında baş verən insidentin məqsədli şəkildə sərhəd məntəqəsində vəziyyətin gərginləşdirilməsi üçün istifadə edilməsi cəhdidir:

Ümumiyyətlə, son zamanlar Ermənistan silahlı qüvvələri arasında itkilərin, o cümlədən qeyri-hərbi itkilərin artması, sonuncu hal da daxil olmaqla Ermənistan silahlı qüvvələri daxilində müvafiq araşdırmaların aparılması zərurətini üzə çıxarır.

Vurğulamaq istərdik ki, hazırda Azərbaycan-Ermənistan sərhədində vəziyyət sabitdir və nəzarət altındadır.

Ermənistan tərəfini yalan bəyanatlarla vəziyyəti gərginləşdirməməyə, bu və digər məsələlərlə bağlı fikir ayrılıqlarının həllində konstruktiv danışıqlar aparılmasına çağırırıq".

Həmçinin oxuyun: 

DSX-nın polkovniki Azərbaycan-Ermənistan sərhəddində nə baş verdiyini açıqladı

Ayvazyan İran səfiri ilə görüşdü – Mövzu Azərbaycanla sərhəddir

* Putin və Əliyev Azərbaycan-Ermənistan sərhəddindəki vəziyyəti müzakirə ediblər

* Rusiya XİN: Azərbaycan-Ermənistan sərhədində vəziyyəti yaxından izləyirik

* Niyə Paşinyana Azərbaycanla sərhəddə gərginlik sərf edir - Rəy
Azərbaycan XİN sərhəddəki vəziyyətə aydınlıq gətirdi

* Ceyhun Bayramov Yerevanın sərhəddəki vəziyyətlə bağlı KTMT-yə müraciətinə cavab verdi

* Lavrovdan Zəngəzur açıqlaması: "Emosiyaların qızışdırılmasına ehtiyac yoxdur"

Əsas mövzular