21:05 20 Yanvar 2021
Canlı yayım
  • USD1.7000
  • RUB0.0230
  • EUR2.0562
İQTİSADİYYAT
Qısa URL
32 0 0

Ziyad Səmədzadə: "Əgər biz digər qapalı təşkilatları, iri səhmdar cəmiyyətləri də nəzərə alsaq, bu ərzağın alınmasına ildə bundan 2-3 dəfə də çox vəsait sərf olunur"

BAKI, 4 mart — Sputnik. Bu gün Milli Məclisin plenar iclasında "Dövlət satınalmaları haqqında" Qanunda dəyişikliklər səsə qoyularaq qəbul olunub. Sputnik xəbər verir ki, millət vəkili Ziyad Səmədzadə Qanuna 1.2-ci maddənin əlavə edildiyini söyləyib.

Azərbaycan Respublikası Milli Məclisinin binası
© Sputnik / Murad Orujov

Qeyd edib ki, əlavəyə görə dövlət vəsaitləri, dövlətin aldığı və dövlət zəmanəti ilə alınmış kreditlər və qrantlar hesabına dövlət müəssisə və təşkilatları (idarələri), nizamnamə fondunda dövlətin payı 30% və daha çox olan müəssisə və təşkilatlar tərəfindən ərzaq məhsullarının (Dövlət Taxıl Fondu üçün alınan buğda istisna olmaqla) mərkəzləşmiş qaydada satın alınması müvafiq icra hakimiyyəti orqanı tərəfindən müəyyən edilmiş qaydada həyata keçirilir.

Millət vəkili deyib ki, bu əlavənin edilməsi ölkədə sahibkarlığın inkişafı, aqrar sektorun səmərəliliyinin artırılması üçün kifayət qədər möhkəm baza yaradacaq: "Təqribi hesablamalara görə, hər il 300 milyon manatdan çox dövlət büdcəsi vasitəsi ilə ərzaq alınmasına vəsait ayrılır ki, bunun da 90 faizi məhz respublikada istehsal olunan məhsullardır. Əgər biz digər qapalı təşkilatları, iri səhmdar cəmiyyətləri də nəzərə alsaq, bu ərzağın alınmasına ildə bundan 2-3 dəfə də çox vəsait sərf olunur".

"Vəsaitlərin mərkəzləşmiş qaydada qeydə alınması, onun sisteminin yaradılması, müvafiq iqtisadi mexanizmlərinin, qaydalarının nəzərə alınması şübhəsiz ki, Azərbaycanda milli iqtisadiyyatın inkişafına öz müsbət töhfəsini verəcək", —deyə Z. Səmədzadə bildirib.

Onun sözlərinə görə, bu amil regionlarda pul dövriyyəsinin, əhalinin gəlirlərinin artmasına imkan yaradacaq: "Kənd Təsərrüfatı Nazirliyi müvafiq yerli icra strukturları ilə birlikdə bu prosesin mexanizminin təkmilləşməsi üçün daha ciddi, konkret tədbirlər hazırlamalıdırlar".

Əlaqədar

Ekspert: dövlət strukturlarına ayrılan vəsait ciddi ixtisar olunacaq
Şura 337 min AZN vəsaiti dövlət büdcəsinə qaytardı
Silahlı Qüvvələrə Yardım Fonduna daxil olan vəsait açıqlandı
İlham Əliyev Nardaranın abadlaşdırılmasına vəsait ayırdı
Silahlı Qüvvələrə daxil olan vəsaitlərin məbləği açıqlanıb
Teqlər:
Milli Məclisin plenar iclası, Ziyad Səmədzadə, deputat, millət vəkili, büdcə

Əsas mövzular