BAKI, 23 dekabr — Sputnik. Dekabrın 23-də gənclər və idman naziri Fərid Qayıbov bu yaxınlarda Türkiyənin İstanbul şəhərində keçirilmiş MMA döyüşü üzrə Yusif Fight Championship turnirində uğurla çıxış etmiş Gözəl Zutova və məşqçisi Yusif Əliyevlə görüşüb. Bu barədə Sputnik Azərbaycan Azərtac-a istinadən xəbər verir.
Gənclər və İdman Nazirliyindən bildiriblər ki, idmançını növbəti qələbəsi münasibətilə təbrik edən nazir ona qarşıdakı yarışlarda da uğurlar arzulayıb.
Qeyd edək ki, qarışıq döyüş növləri (MMA) idmançısı Gözəl Zutova İstanbulda keçirilən Yusif Fight Championship (YFC) turnirində Ermənistan təmsilçisi Nara Marqarosyana qalib gəlib.
Şənbə günü, noyabrın 13-də Türkiyədə YFC 9 turniri baş tutub. Onun təşkilatçısı Azərbaycan əsillidir.
Beynəlxalq turnir çərçivəsində Azərbaycan təmsilçisi Gözəl Zutova erməni rəqibini 10 saniyəyə nokauta salıb.
Həmçinin oxuyun:
Cəmi on saniyəyə: Azərbaycanlı erməni rəqibini İstanbulda nokauta saldı