BAKI, 25 oktyabr — Sputnik. "Vektor" Dövlət Virusologiya və Biotexnologiyalar Tədqiqat Mərkəzi ilk dəfə olaraq elektron mikroskop kamerası ilə çəkilmiş koronavirusun "Delta" ştammının fotoşəkillərini dərc edib. Şəkil eksklüziv olaraq RİA Novosti-də yerləşdirilib.
"Virus Afrikanın yaşıl əntər meymununun böyrəyinin epiteli hüceyrələrində süni şəkildə yetişdirilib", - deyə məlumatda bildirilib.
Mərkəzdə dəqiqləşdirilib ki, hüceyrələrin epoksidli qatranlarına tökülmüş ultra incə dilimlər elektron mikroskop üçün standart nümunə hazırlama üsuluna görə rənglənib.
ÜST-ün məlumatına görə, B.1.617 adlanan Hindistan ştammı ("Delta") 2020-ci ilin oktyabrında müəyyən edilib. O, qısa inkubasiya dövrü və insan orqanizmində artan yük ilə fərqlənir. Bundan əlavə, onun orqanizmdən xaric olma müddəti uzanıb, bu da həkimlərin sağalma anını müəyyən etmələrini çətinləşdirir.
Əsas simptomlar başağrısı, zökəm, boğaz ağrısı və yüksək hərarətdir. Üstəlik ümumiyyətlə iybilmə itmir və öskürək olmur. Həmçinin mütəxəssislərin fikrincə, bu növ koronavirus rinovirusda olduğu kimi, qarın ağrısı, qusma və burundan bol axıntı ilə xarakterizə olunur. Yorğunluq, depressiya və ruhdan düşmə hissləri də mümkündür.
2021-cil ilin oktyabrın 19-da "Delta" ştammı 193 dövlət və ərazidə aşkarlanıb, dünyada o, üstünlük təşkil edir. Rusiyada ilk "Delta" ştammına yoluxma halı 2021-ci ilin aprelində qeydə alınıb. Sentyabr ayında SARS-CoV-2-nin bu variantı ölkədə sıralanmış bütün mutasiyaların 97 faizini təşkil edib.
Eləcə də oxuyun:
* Koronavirusun "sevdiyi" orqanlar
* Koronavirusun yeni yayılmış AY.4.2 ştammı qorxuludurmu?