https://sputnik.az/20241031/rusiya-strateji-nuve-quvvelerinin-telimi-tecavuzkar-ucun-mobil-armageddon-468412422.html

Rusiya strateji nüvə qüvvələrinin təlimi: təcavüzkar üçün mobil Armageddon

Rusiya strateji nüvə qüvvələrinin təlimi: təcavüzkar üçün mobil Armageddon

Sputnik Azərbaycan

Sputnik-in hərbi eksperti qeyd edib ki, nüvə triadası oktyabrın 29-da strateji çəkindirmə qüvvələrinin quru, dəniz və aviasiya vasitələri ilə təlim keçirildiyi... 31.10.2024, Sputnik Azərbaycan

2024-10-31T21:34+0400

2024-10-31T21:34+0400

2024-10-31T21:34+0400

rusiya

yazarlar

putin

raket

belarus

nato

ukrayna

xüsusi hərbi əməliyyat

təyyarə

https://cdnn1.img.sputnik.az/img/42427/68/424276848_0:0:3073:1728_1920x0_80_0_0_8b4a8dbb556f745347a55f3ee5a69847.jpg

BAKI, 31 oktyabr — Sputnik. Qitələrarası ballistik və qanadlı raketlərin praktiki buraxılışı NATO-nun Avropadakı "siçan təlaşı"na (iki həftəlik "Steadfast Noon" nüvə manevrləri) və Pentaqonun Ukrayna hərbi əməliyyatlar teatrından Rusiyanın dərinliklərinə raket zərbələri endirmək kimi hədələrinə Moskvanın inandırıcı cavabıdır. Strateji nüvə qüvvələrinin təliminin məqsədləri tam şəkildə yerinə yetirilib. Bütün raketlər verilmiş xüsusiyyətləri təsdiqləyərək hədəflərinə nail olublar. "Yars", "Sineva", "Bulava" və digər raketlər "Plesetsk" kosmodromundan Kamçatkadakı "Kura" poliqonu üzrə ayrılan döyüş başlığı və fərdi istiqamətləndirmə blokları ilə 5-ci nəsil RS-24 "Yars" qitələrarası ballistik raketi uğurla işə salınıb (təxminən 5800 km). PC-24 kompleksi keçən il Rusiya Federasiyasında ən geniş yayılmış kompleks olub (150-dən çox mobil və stasionar buraxılış qurğusu) və Strateji Raket Qüvvələrinin zərbə qrupunun əsasını təşkil edir. Üç mərhələli PC-24-lər trayektoriyasının ilkin hissəsində digər qitələrarası ballistik raketlərdən (QABR) daha sürətli hündürlük əldə edirlər. Mobil qurğular istənilən şəraitdə "Yars"ların yüksək döyüş qabiliyyətini təmin edir və 12.000 km-ə qədər məsafədə (yəni istənilən NATO ölkəsində, o cümlədən Şimali Amerikada) hədəflərin məğlubiyyətinin dəqiqliyinə zəmanət verir. Bir RS-24 raketi hər biri 500 kilotona qədər olan dörd döyüş başlığı və ya hər biri 50 kilotonluq altı başlığı daşıya bilər (trotil ekvivalentində). "Yars"ların hərəkətliliyi 16×16 təkər formulu ilə ağır yük daşıyan şassi (MAZ-MZKT-79221) ilə təmin edilir - bu "Minsk təkərli dartıcılar" zavodunun məhsuludur. Barents dənizində "Novomoskovsk" strateji atom enerjili raket sualtı kreyserindən dəniz raket texnologiyasının şah əsəri sayılan "Sineva" QABR-ı işə salınıb. "Sineva"ya gizli şəkildə sualtı mövqedən start verilir (55 metrə qədər dərinlikdən). Bu enerji-kütlənin mükəmməlliyi baxımından dünyada ən yaxşısı sayılır. ABŞ-ın "Traydent-2" QABR-ını geridə qoyaraq 11500 km məsafədə uçur. Çəkisi 2,8 ton olan "Sineva" QABR-ın ayrılan döyüş başlığı hər biri 100 kiloton olan 4-dən 10-a qədər fərdi istiqamətləndirmə döyüş blokundan ibarətdir. Düşmənin raketdən müdafiə sistemini dəf etmək üçün "Sineva" düz trayektoriya ilə hədəfə doğru hərəkət edə bilir, həmçinin göyərtədə xüsusi radioelektron mübarizə texnikası da var. Əgər döyüş patrul marşrutunda mobil "Yars"ların aşkarlanması çox çətinləşirsə, o zaman "Sineva"ların dənizdəki buraxılış mövqelərini əvvəlcədən görmək, eşitmək və ya hesablamaq demək olar ki, mümkün deyil. Oktyabrın 29-da "Sineva"nın işə salınması Dnepr sahillərini itirən "hegemon"a daha bir yüksək texnologiyalı "kiçik dərs" olub. Oxot dənizində "Knyaz Oleq" strateji atom enerjili raket sualtı kreyseri uçuş məsafəsi 10.000 km-ə qədər olan "Bulava" QABR-ını işə salıb. Dördüncü nəsil "Borey-A" sualtı kreyseri, müxtəlif mənbələrə görə, 16-dan 20-dək "Bulava" QABR-ını daşıyır və bunların hər birində ballistik trayektoriyalarda manevr edə bilən, 150 kiloton olan 10 fərdi istiqamətləndirmə döyüş blokları var. Strateji raket sualtı kreyserinin idarə edilməsi dünyada ilk dəfə olaraq tam avtomatlaşdırılıb - gəminin özü ekipaja səhv etmək imkanı verməyəcək. "Knyaz Oleq"in hidroakustik kompleksi 320 km-ə qədər məsafədə düşmən sualtı qayığını ilk aşkar etməyə qadirdir. Göyərtəsində yüksək dəqiqlikli raket silahlarına sahib olan bu cür gizli və güclü atom sualtı qayıqları Rusiyaya planetdəki istənilən düşmən üzərində strateji üstünlüyü və təcavüzkarın sərt cəza almasına zəmanət verir. Qanadlı raketləri işə salan Tu-95MS uzaqmənzilli aviasiya təyyarələri nüvə çəkindirmə qüvvələrinin təliminə cəlb edilib. Rusiya Federasiyasının Müdafiə Nazirliyi qanadlı raketin növünü dəqiqləşdirməyib, yüksək ehtimalla, bunlar müxtəlif avadanlıqlarda uçuş məsafəsi 5500 - 10000 km olan X-101 (və ya X-102) olublar. Bu yaxınlarda Ukraynanın hərbi əməliyyatlar teatrında NATO ekspertləri X-101-in gücünü və dəqiqliyini qiymətləndirməyə müvəffəq olublar. Xatırladım ki, X-102 250 kilotondan 1 meqatona qədər gücü olan termonüvə başlığına malik qanadlı raketdir. Döyüş tətbiqinin xüsusiyyətləri Praktiki atışlar Moskvadakı Rusiya Federasiyasının Milli Müdafiə Nəzarət Mərkəzindən həyata keçirilib. Geosiyasi turbulentlik, Rusiyadakı doktrinalı dəyişikliklər və Ukraynadakı xüsusi hərbi əməliyyat (XHƏ) praktikasını nəzərə alınmaqla, rəhbərlik və əməliyyat heyətinin təlim səviyyələri və iş bacarıqları yoxlanılıb. Rusiya Prezidenti Vladimir Putin sentyabrın sonunda Təhlükəsizlik Şurasına nüvə silahının döyüş istifadəsi həddinin aşağı salmağı, yəni Rusiya ilə "digər əllərlə" döyüşən Qərb ölkələrinə nüvə cavabını "qanuniləşdirməyi" təklif edib.Bu yaxınlarda Putin bildirib ki, Ukraynanın Rusiya ərazisinə zərbələr endirməsi üçün Qərbin uzaqmənzilli dəqiqlikli silahlarından istifadə edilməsi ABŞ və NATO-nun müharibədə birbaşa iştirakı deməkdir. Rusiya prezidenti "Ukrayna Silahlı Qüvvələrinin (USQ) arxasında" gizlənən təcavüzkara qarşı nüvə qisası üçün vəziyyətin və hədəflərin genişləndirilməsini qeyd edib. Rusiya Federasiyasının nüvə doktrinasının prinsip və müddəalarının düzəldilməsi əhəmiyyətli və praktiki sferaya yönəlib. Rusiya nüvə silahından istifadə şərtləri aşağıdakı müddəalarla tamamlanıb:Pentaqon və NATO strateqləri oktyabrın 29-da yenilənmiş "Putin doktrinasını" və Rusiyanın "strateji hücum qüvvələri ilə kütləvi nüvə zərbəsi endirmək" texnologiyasını "sınamağa" nail olublar.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2024

xəbərlər

ru_AZ

rusiya, putin, raket, belarus, nato, ukrayna, xüsusi hərbi əməliyyat, təyyarə