https://sputnik.az/20240912/azerbaycan-ehalisine-xeberdarliq-edildi-havada-olum-riski-var-467333097.html

Azərbaycan əhalisinə xəbərdarlıq edildi: Havada ölüm riski var!

Azərbaycan əhalisinə xəbərdarlıq edildi: Havada ölüm riski var!

Sputnik Azərbaycan

Səadət Feyziyeva maqnit qasırğasının yüksək olduğu günlərdə mümkün qədər açıq havada az qalmağı, gün ərzində iki-üç litr su içməyi tövsiyyə edib. 12.09.2024, Sputnik Azərbaycan

2024-09-12T14:10+0400

2024-09-12T14:10+0400

2024-09-13T12:46+0400

hava

cəmiyyət

ölüm

risk

maqnit

maqnit qasırğası

maqnit fırtınası

hipertoniya

hipertoniya xəstəliyi

https://cdnn1.img.sputnik.az/img/42397/44/423974459_442:351:2000:1227_1920x0_80_0_0_b45672e408561bef2dfca4959df52d69.jpg

BAKI, 12 sentyabr — Sputnik. Bu günlərdə hipertoniyadan əziyyət çəkən, insult keçirmiş xəstələr səhhətlərinə qarşı diqqətli olmalıdırlar. Çünki, maqnit qasırğası əsasən arterial hipertenziya xəstələrinə təsir edir. Hətta işlək təzyiqi olanlarda belə maqnit qasırğası zamanı təzyiq yüksəlir. Bunu Sputnik Azərbaycan-a açıqlamasında Şuşa Rayon Mərkəzi Xəstəxanasının Polikilinikasının terapevt həkimi Səadət Feyziyeva söyləyib. O, bildirib ki, bu gündən başlayan maqnit qasırğası ürək-qan damar xəstələrinə də təsir edir: "Belə xəstələr təzyiqi normal saxlamalı, dərman preparatlarını qəbul etməyi xüsusilə bu günlərdə unutmamalıdırlar". Qeyd edək ki, artıq dünəndən BDU-nun Astrofizika kafedrası sentyabrın 12-13-də geomaqnit qasırğasının olacağı, radiosiqnalların ötürülməsində kəsilmələrin müşahidə edilə biləcəyi barədə xəbərdarlıq yayıb. Qeyd edilib ki, günəşdə davamlı olaraq baş verən M sinif (radiodalğaları əngəlləyən, yayılmasına mane olan) alışmalar hesabına Günəş aktivliyi yüksək səviyyəyə qalxıb. "Günəşin şimal-qərb hissəsində sentyabrın 10-da baş verən tac kütlə atılması Yerdə sentyabrın 12-si günün ikinci yarısından başlayaraq 13-ü axşam saat 18:00 radələrinədək davam edən geomaqnit qasırğası yaradacaq. Bu tarixlərdə radiosiqnallarda, onların ötürülməsi və qəbulunda kəsilmələr müşahidə edilə bilər. Hazırda geomaqnit sahə sakit və qeyri-stabildir. 10 sentyabr tarixində baş vermiş tac kütlə atılmasının təsiri Yerdə 12-13 sentyabr tarixlərində özünü göstərəcək. Sentyabrın 12-si gecə geomaqnit qasırğanın səviyyəsi G1(mülayim), sentyabrın 13-ü səhər 08:00 radələrinədək G2 (orta), saat 20:00-dək G1 olacaq. Sonrakı müddətdə geomaqnit sahə sakit səviyyəyə qayıdacaq", - məlumatda qeyd olunub. S. Feyziyeva maqnit qasırğasının yüksək olduğu günlərdə mümkün qədər açıq havada az qalmağı, gün ərzində iki-üç litr su içməyi tövsiyə edib. Bildirib ki, insanların bu günlərdə energetik içkilərdən uzaq durmaları məsləhətdir.O, xüsusilə insult keçirmiş şəxslərin həyatı üçün bu havada təhlükə olduğunu, ona görə də, öz səhhətlərinə qayğı ilə yanaşmalı olduqlarını söyləyib. "Maqnit qasırğası xroniki xəstəlikləri olanlara da təsir edir. Orqanizmdə hansı nayihə zəifdirsə, o xəstəliyin baş qaldırması müşahidə olunur. Odur ki, bu havada xroniki xəstikləri olanlar da diqqətli olmalı, açıq havada az gəzməli, bol su içməlidirlər" - terapevt bildirib.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

https://sputnik.az/20240915/geomaqnit-qasirgasi-olacaq-radiosiqnallarin-oturulmesinde-kesilmeler-musahide-edile-biler-467302722.html

2024

xəbərlər

ru_AZ

hava, ölüm, risk, maqnit, maqnit qasırğası, maqnit fırtınası, hipertoniya, hipertoniya xəstəliyi