https://sputnik.az/20231220/azerbaycanin-qeyri-neft-mehsullarinin-ixrac-edildiyi-ilk-5-olke-xrac-artacaq---cedvel-461392378.html

Azərbaycanın qeyri-neft məhsullarının ixrac edildiyi ilk 5 ölkə - Cədvəl

Azərbaycanın qeyri-neft məhsullarının ixrac edildiyi ilk 5 ölkə - Cədvəl

Sputnik Azərbaycan

Ekspert deyir ki, bu ilin axırına Azərbaycanın qeyri-neft məhsullarının ixracı 3 milyard dollara çata bilər. Qeyri-neft məhsulları içərisində ən çox elektrik... 20.12.2023, Sputnik Azərbaycan

2023-12-20T09:38+0400

2023-12-20T09:38+0400

2023-12-20T10:24+0400

qeyri-neft sektoru

iqtisadiyyat

azərbaycan

qeyri-neft

məhsul

https://cdnn1.img.sputnik.az/img/07e7/0b/1d/460942754_0:312:3000:2000_1920x0_80_0_0_1ed0028d026d13a16b0ae0725df9abae.jpg

BAKI, 20 dekabr — Sputnik. Azərbaycanın qeyri-neft məhsullarının ixracı artır. İqtisadi İslahatların Təhlili və Kommunikasiya Mərkəzinin məlumatına əsasən, 2023-cü ilin yanvar-oktyabr ayları ərzində Azərbaycanın qeyri-neft sektoru üzrə ixracı 2022-ci ilin müvafiq dövrü ilə müqayisədə 11,1% artaraq 2,7 milyard dollar təşkil edib. 2023-cü ilin yanvar-oktyabr aylarında yeyinti məhsulları üzrə ixrac 706,9 milyon dollara bərabər olub. 2023-cü ilin yanvar-oktyabr aylarında Rusiyaya 881,4 milyon dollar, Türkiyəyə 675,9 milyon dollar, Gürcüstana 266,3 milyon dollar, İsveçrəyə 129,8 milyon dollar, Qazaxıstana 84,2 milyon dollar dəyərində qeyri-neft sektoruna aid mal ixrac olunub. Azərbaycandan Rusiyaya ixrac artıb Qeyd edək ki, illik müqayisədə bu ilin 10 ayında Azərbaycandan qeyri-neft məhsullarının ixracı Rusiyaya 28,2%, Türkiyəyə 16%, Gürcüstana 62%, Qazaxıstana 12,2% artıb. İsveçrəyə ixrac isə 14,9% azalıb. "İlin axırına qeyri-neft məhsullarının ixracı 3 milyard dollara çata bilər" İqtisadçı-ekspert Xalid Kərimli Sputnik Azərbaycan-a deyib ki, Azərbaycanın qeyri-neft məhsullarının ixracında artım davam edir:O bildirib ki, cari ilin 10 ayında qeyri-neft məhsulları içərisində ən çox elektrik enerjisi (348,1 milyon dollar) ixrac edilib:"Keçən ilin eyni dövrü ilə müqayisədə bu il elektrik enerjisinin ixracı 5,3 dəfə artıb. Bundan başqa, meşə fındığı, şaftalı, xurma, albalı və gilas və digər məhsulların ixracında artım müşahidə edilir". İxracda elektrik enerjisi birinci, pomidor ikinci, qızıl üçüncü olub Xatırladaq ki, cari ilin 10 ayı ərzində spirtli və spirtsiz içkilərin ixracı 2,9 dəfə, plastmassa və ondan hazırlanan məmulatların ixracı 24,6%, qara metallardan məmulatların ixracı 19,8%, meyvə-tərəvəz ixracı isə 11,5% artıb. Hesabat dövründə ixrac edilən qeyri-neft sektoruna aid malların siyahısında elektrik enerjisi birinci olub. Bu siyahıda pomidor (tomat) ikinci, qızıl isə üçüncü yerdə qərarlaşıb. Əlavə edək ki, təkcə bu ilin oktyabr ayını götürsək, qeyri-neft sektoruna aid ən çox mal ixrac edilən ölkələrin siyahısında Rusiya (94,1 milyon dollar) birinciliyə yüksəlib. Bu siyahıda Türkiyə ikinci və Gürcüstan üçüncü olub.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

https://sputnik.az/20231017/azerbaycanin-rusiyaya-ne-qeder-qeyri-neft-mehsullari-ixrac-etdiyi-melum-olub-459673550.html

azərbaycan

2023

xəbərlər

ru_AZ

qeyri-neft sektoru, azərbaycan, qeyri-neft, məhsul