https://sputnik.az/20231208/sumqayit-4-ildir-evde-qarabaga-qalib-gele-bilmir-461162552.html
“Sumqayıt” 4 ildir evdə “Qarabağ”a qalib gələ bilmir
“Sumqayıt” 4 ildir evdə “Qarabağ”a qalib gələ bilmir
Sputnik Azərbaycan
Ümumiyyətlə, "Qarabağ"la "Sumqayıt" arasında Premyer Liqada keçiriləcək 45-ci görüş öncəsi son çempion böyük üstünlüyə malikdir. 08.12.2023, Sputnik Azərbaycan
2023-12-08T13:42+0400
2023-12-08T13:42+0400
2023-12-08T13:42+0400
qarabağ
idman
futbol
sumqayıt
https://cdnn1.img.sputnik.az/img/07e7/02/11/451848497_0:103:2000:1228_1920x0_80_0_0_c8602aed3943852a9c3ac2bb0353f98a.jpg
BAKI, 8 dekabr — Sputnik. "Sumqayıt" Premyer Liqanın XVI turunda qəbul edəcəyi "Qarabağ"a 4 ildir evdə qalib gələ bilmir. "Report"un məlumatına görə, "gənclik şəhəri" təmsilçisi axırıncı dəfə 2019-cu ilin noyabrında doğma arenasında güclü rəqibindən 3 xal almağı bacarıb. Həmin vaxtdan bəri Sumqayıtda baş tutan 6 qarşılaşmanın yalnız ikisində eyniadlı komanda heç-heçə edə bilib. Son 4 matçda isə "Qarabağ" rəqibini "quru" hesabla məğlub edib. Bu komandalar arasında çempionatda baş tutan son 10 görüşün hamısında ağdamlılar rəqib qapısına yol tapmağa müvəffəq olublar. "Sumqayıt" axırıncı dəfə 2021-ci ilin fevralında öz meydançasındakı görüşdə (0:0) qapısının toxunulmazlığını qoruya bilib. Ümumiyyətlə, "Qarabağ"la "Sumqayıt" arasında Premyer Liqada keçiriləcək 45-ci görüş öncəsi son çempion böyük üstünlüyə malikdir. 2011-ci ildən bəri təşkil olunan 44 qarşılaşmanın cəmi 6-da "kimyaçılar" qələbə üzü görüblər. Bunun da biri texniki qalibiyyət olub. Həmin 5 matçın hər birində sumqayıtlılar minimal fərqlə rəqibi üstələyiblər. Əvəzində "Qarabağ" "gənclik şəhəri" təmsilçisini iki dəfə 6:0, iki dəfə 6:1, iki dəfə 5:0, bir dəfə 5:1, iki dəfə 4:0, iki dəfə 4:1, beş dəfə isə 3:0 hesabı ilə məğlub edib. Komandalar indiyə qədər 5 dəfə heç-heçəyə razılaşıblarsa, "Qarabağ"ın hesabında 33 qələbə var. Vurulan qol sayında da nəzərəçarpacaq dərəcədə fərq var. "Sumqayıt" buraxdığı 108 topa cəmi 21 qolla qarşılıq verə bilib. Qeyd edək ki, bu gün "Kapital Bank Arena"da keçiriləcək "Sumqayıt" – "Qarabağ" matçı saat 19:30-da başlayacaq. Hazırda ağdamlılar 32 xalla birinci, sumqayıtlılar isə 23 xalla üçüncü pillədə qərarlaşıblar.Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Sputnik Azərbaycan
media@sputniknews.com
+74956456601
MIA „Rosiya Segodnya“
2023
Sputnik Azərbaycan
media@sputniknews.com
+74956456601
MIA „Rosiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
qarabağ, futbol, sumqayıt
qarabağ, futbol, sumqayıt
“Sumqayıt” 4 ildir evdə “Qarabağ”a qalib gələ bilmir
Ümumiyyətlə, "Qarabağ"la "Sumqayıt" arasında Premyer Liqada keçiriləcək 45-ci görüş öncəsi son çempion böyük üstünlüyə malikdir.
BAKI, 8 dekabr — Sputnik. "Sumqayıt" Premyer Liqanın XVI turunda qəbul edəcəyi "Qarabağ"a 4 ildir evdə qalib gələ bilmir.
"Report"un məlumatına görə, "gənclik şəhəri" təmsilçisi axırıncı dəfə 2019-cu ilin noyabrında doğma arenasında güclü rəqibindən 3 xal almağı bacarıb.
Həmin vaxtdan bəri Sumqayıtda baş tutan 6 qarşılaşmanın yalnız ikisində eyniadlı komanda heç-heçə edə bilib. Son 4 matçda isə "Qarabağ" rəqibini "quru" hesabla məğlub edib.
Bu komandalar arasında çempionatda baş tutan son 10 görüşün hamısında ağdamlılar rəqib qapısına yol tapmağa müvəffəq olublar. "Sumqayıt" axırıncı dəfə 2021-ci ilin fevralında öz meydançasındakı görüşdə (0:0) qapısının toxunulmazlığını qoruya bilib.
Ümumiyyətlə, "Qarabağ"la "Sumqayıt" arasında Premyer Liqada keçiriləcək 45-ci görüş öncəsi son çempion böyük üstünlüyə malikdir. 2011-ci ildən bəri təşkil olunan 44 qarşılaşmanın cəmi 6-da "kimyaçılar" qələbə üzü görüblər. Bunun da biri texniki qalibiyyət olub. Həmin 5 matçın hər birində sumqayıtlılar minimal fərqlə rəqibi üstələyiblər. Əvəzində "Qarabağ" "gənclik şəhəri" təmsilçisini iki dəfə 6:0, iki dəfə 6:1, iki dəfə 5:0, bir dəfə 5:1, iki dəfə 4:0, iki dəfə 4:1, beş dəfə isə 3:0 hesabı ilə məğlub edib.
Komandalar indiyə qədər 5 dəfə heç-heçəyə razılaşıblarsa, "Qarabağ"ın hesabında 33 qələbə var. Vurulan qol sayında da nəzərəçarpacaq dərəcədə fərq var. "Sumqayıt" buraxdığı 108 topa cəmi 21 qolla qarşılıq verə bilib.
Qeyd edək ki, bu gün "Kapital Bank Arena"da keçiriləcək "Sumqayıt" – "Qarabağ" matçı saat 19:30-da başlayacaq. Hazırda ağdamlılar 32 xalla birinci, sumqayıtlılar isə 23 xalla üçüncü pillədə qərarlaşıblar.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
