https://sputnik.az/20231204/xankendinde-futbol-uzre-ilk-azerbaycan-kubokunun-oyunu-kecirilecek-461074712.html
Xankəndində futbol üzrə ilk Azərbaycan kubokunun oyunu keçiriləcək
Xankəndində futbol üzrə ilk Azərbaycan kubokunun oyunu keçiriləcək
Sputnik Azərbaycan
PFL artıq "Qarabağ" və MOİK klublarına kubok görüşünün şəhərin mərkəzi stadionunda keçiriləcəyi ilə bağlı məlumat verib. 04.12.2023, Sputnik Azərbaycan
2023-12-04T22:48+0400
2023-12-04T22:48+0400
2023-12-04T22:48+0400
xankəndi
idman
futbol
oyun
qarabağ fk
moik
https://cdnn1.img.sputnik.az/img/07e7/0b/1a/460875131_0:116:1200:791_1920x0_80_0_0_2d13a76be1428e0f481b3d47b08f445a.jpg
BAKI, 4 dekabr — Sputnik. Futbol üzrə Azərbaycan Kubokunun oyunlarından biri Xankəndi şəhərində keçiriləcək və müvafiq qərarı Peşəkar Futbol Liqası (PFL) qəbul edib. Təşkilatın qərarına əsasən, ölkə kubokunun 18-ci final mərhələsinin Ağdamın "Qarabağ" komandası ilə Bakının mərkəzi ordu idman klubu (MOİK) arasında keçiriləcək oyun dekabrın 21-də Xankəndində baş tutacaq.Oyun şəhərin mərkəzi stadionunda keçiriləcək. PFL artıq hər iki komandaya qarşıdakı görüşün keçiriləcəyi yeri ilə bağlı məlumat verib. Bu qarşılaşma Azərbaycanın işğaldan azad edilmiş ərazilərində ilk rəsmi oyun olacaq. Bu yaxınlarda, noyabrda Xankəndidə Ağdamın "Qarabağ" komandası ilə İstanbulun "Qalatasaray" klubu arasında yoldaşlıq oyunu keçirilə biləcəyi bildirilib. Qeyd edək ki, Xankəndinin mərkəzi stadionu 1956-cı ildə tikilib istifadəyə verilib və yenidənqurmadan sonra stadionun tutumu 15 min tamaşaçı təşkil edib. Əvvəlcə arena İosif Stalinin adını daşıyıb, Sovet hakimiyyətinin sonrakı illərində isə Stepan Şaumyan adına Mərkəzi Stadion kimi adlandırılmağa başlanıb. Sosial şəbəkədə yayılan məlumata görə, stadionun sahibi artıq Azərbaycan Futbol Federasiyaları Assosiasiyasıdır. Xatırladaq ki, 1991-ci il dekabrın 28-də Xankəndi şəhəri və Kərkicahan qəsəbəsi Ermənistan Silahlı Qüvvələri tərəfindən işğal edilmişdir. Qeyd edək ki, 2023-cü ilin sentyabrın 19-da Azərbaycan Müdafiə Nazirliyi üçtərəfli bəyanatın müddəalarının təmin olunması, Azərbaycan Respublikasının Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başlanılıb. Nəticədə Azərbaycan ordusu Xankəndini və Kərkicahan qəsəbəsini erməni separatçılarından azad edib. Oktyabrın 15-də Azərbaycan Prezidenti İlham Əliyev respublikanın bayrağını Xankəndi şəhərində qaldırıb.Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Sputnik Azərbaycan
media@sputniknews.com
+74956456601
MIA „Rosiya Segodnya“
2023
Teymur Tuşiyev
https://cdnn1.img.sputnik.az/img/42183/82/421838240_582:0:2630:2048_100x100_80_0_0_414008fb9d59af0d938ee6d4c309b573.jpg
Teymur Tuşiyev
https://cdnn1.img.sputnik.az/img/42183/82/421838240_582:0:2630:2048_100x100_80_0_0_414008fb9d59af0d938ee6d4c309b573.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
Teymur Tuşiyev
https://cdnn1.img.sputnik.az/img/42183/82/421838240_582:0:2630:2048_100x100_80_0_0_414008fb9d59af0d938ee6d4c309b573.jpg
xankəndi, futbol, oyun, qarabağ fk, moik
xankəndi, futbol, oyun, qarabağ fk, moik
Xankəndində futbol üzrə ilk Azərbaycan kubokunun oyunu keçiriləcək
PFL artıq "Qarabağ" və MOİK klublarına kubok görüşünün şəhərin mərkəzi stadionunda keçiriləcəyi ilə bağlı məlumat verib.
BAKI, 4 dekabr — Sputnik. Futbol üzrə Azərbaycan Kubokunun oyunlarından biri Xankəndi şəhərində keçiriləcək və müvafiq qərarı Peşəkar Futbol Liqası (PFL) qəbul edib.
Təşkilatın qərarına əsasən, ölkə kubokunun 18-ci final mərhələsinin Ağdamın "Qarabağ" komandası ilə Bakının mərkəzi ordu idman klubu (MOİK) arasında keçiriləcək oyun dekabrın 21-də Xankəndində baş tutacaq.
Oyun şəhərin mərkəzi stadionunda keçiriləcək. PFL artıq hər iki komandaya qarşıdakı görüşün keçiriləcəyi yeri ilə bağlı məlumat verib. Bu qarşılaşma Azərbaycanın işğaldan azad edilmiş ərazilərində ilk rəsmi oyun olacaq.
Bu yaxınlarda, noyabrda Xankəndidə Ağdamın "Qarabağ" komandası ilə İstanbulun "Qalatasaray" klubu arasında yoldaşlıq oyunu keçirilə biləcəyi bildirilib.
Qeyd edək ki, Xankəndinin mərkəzi stadionu 1956-cı ildə tikilib istifadəyə verilib və yenidənqurmadan sonra stadionun tutumu 15 min tamaşaçı təşkil edib.
Əvvəlcə arena İosif Stalinin adını daşıyıb, Sovet hakimiyyətinin sonrakı illərində isə Stepan Şaumyan adına Mərkəzi Stadion kimi adlandırılmağa başlanıb.
Sosial şəbəkədə yayılan məlumata görə, stadionun sahibi artıq Azərbaycan Futbol Federasiyaları Assosiasiyasıdır.
Xatırladaq ki, 1991-ci il dekabrın 28-də Xankəndi şəhəri və Kərkicahan qəsəbəsi Ermənistan Silahlı Qüvvələri tərəfindən işğal edilmişdir. Qeyd edək ki, 2023-cü ilin sentyabrın 19-da Azərbaycan Müdafiə Nazirliyi üçtərəfli bəyanatın müddəalarının təmin olunması, Azərbaycan Respublikasının Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başlanılıb.
Nəticədə Azərbaycan ordusu Xankəndini və Kərkicahan qəsəbəsini erməni separatçılarından azad edib. Oktyabrın 15-də Azərbaycan Prezidenti İlham Əliyev respublikanın bayrağını Xankəndi şəhərində qaldırıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
