https://sputnik.az/20230319/mingecevir-su-anbarindan-muxtelif-su-arteriyalarina-saniyede-290-kubmetr-su-buraxilir-452879019.html

Mingəçevir su anbarından müxtəlif su arteriyalarına saniyədə 290 kubmetr su buraxılır

Mingəçevir su anbarından müxtəlif su arteriyalarına saniyədə 290 kubmetr su buraxılır

Sputnik Azərbaycan

Ölkədə su ehtiyatları sahəsində gərgin şəraitin davam etdiyi bir zamanda su istifadəçiləri onlardan asılı olan məsələlərə məsuliyyətlə yanaşmalı, sudan... 19.03.2023, Sputnik Azərbaycan

2023-03-19T19:35+0400

2023-03-19T19:35+0400

2023-03-19T19:35+0400

kür çayı

azərbaycan xəbərləri

su

mingəçevir su anbarı

https://cdnn1.img.sputnik.az/img/42433/01/424330171_0:160:3073:1888_1920x0_80_0_0_dd8e73e8a184bbd465104780a9efbf2e.jpg

BAKI, 19 mart - Sputnik. İqlim dəyişikliyi və məhdud su resursları şəraitində Kür çayının aşağı axarına digər çaylar üzrə daxilolmaların kritik səviyyədə azalması hesabına su təchizatında müəyyən çətinliklər müşahidə olunur. “Azmelsutəsərrüfat” Açıq Səhmdar Cəmiyyətindən (ASC) AZƏRTAC-a bildirilib ki, bu çətinliklərin aradan qaldırılması məqsədilə martın 17-dən etibarən Mingəçevir su anbarından Kür çayına saniyədə 160 kubmetr, Yuxarı Qarabağ kanalına 80 kubmetr və Yuxarı Şirvan kanalına 50 kubmetr su buraxılır. Qeyd edilən su sərfləri mart ayı üçün xarakterik olmayan, yəni yüksək səviyyədədir. Belə ki, ötən ilin müvafiq dövründə Mingəçevir su anbarından Kür çayına saniyədə 90 kubmetr, Yuxarı Qarabağ kanalına 70 kubmetr və Yuxarı Şirvan kanalına 45 kubmetr su buraxılırdı. Araz çayı üzrə su ehtiyatlarının kəskin şəkildə aşağı olması səbəbindən bu mənbədən təmin edilən suvarma sahələrinin suya olan tələbatının ödənilməsi məqsədilə Yuxarı Qarabağ kanalı vasitəsilə Araz çayı hövzəsinə - Bəhrəmtəpə hidroqovşağına saniyədə 22,4 kubmetr su transferi həyata keçirilir. Beləliklə, ölkə Prezidentinin müvafiq Sərəncamı ilə yaradılmış su ehtiyatlarından səmərəli istifadə üzrə Komissiyanın fəaliyyəti çərçivəsində son bir neçə il ərzində yaradılmış ehtiyatlar hesabına Kür çayının aşağı axarında yaranmış çətinliklərin cari ilin suvarma mövsümündə operativ qaydada tam tənzimlənməsi nəzərdə tutulur. Ölkədə su ehtiyatları sahəsində gərgin şəraitin davam etdiyi bir zamanda qeyd edilənlərlə yanaşı su istifadəçiləri də öz öhdəliklərinə düşən, onlardan asılı olan məsələlərə məsuliyyətlə yanaşmalı, sudan qənaətli istifadə üçün bir sıra zəruri tədbirlər görməlidirlər. Belə ki, torpaqda aqrotexniki tədbirlər, hamarlama işləri, şırımların normalara uyğun açılması, digər tərəfdən selləmə suvarmasından imtina edərək suya qənaət edən suvarma üsullarından, habelə gecə suvarmasından istifadə edilməsi, məhdud su ehtiyatlarının ədalətli, optimal və proporsional bölgüsü prinsipinə əsaslanan suvarma qrafiklərinə və sudan istifadə limitlərinə riayət edilməsi zəruridir.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

https://sputnik.az/20230316/suyun-qiymetini-qaldirmaq-ucun-behane-axtarilir-saygaci-olan-suyu-israf-elemez-452666768.html

2023

xəbərlər

ru_AZ

kür çayı, su, mingəçevir su anbarı