https://sputnik.az/20220914/genclik-metrostansiyasi-guclendirilmis-is-rejimine-kececek-446037802.html

"Gənclik" metrostansiyası gücləndirilmiş iş rejiminə keçəcək

"Gənclik" metrostansiyası gücləndirilmiş iş rejiminə keçəcək

Sputnik Azərbaycan

“Qarabağ” klubu şəhidlərimiz ilə bağlı “Nant”la oyunun bir dəqiqəlik sükutla başlaması üçün UEFA-ya müraciət edib 14.09.2022, Sputnik Azərbaycan

2022-09-14T23:20+0400

2022-09-14T23:20+0400

2022-09-14T23:20+0400

metro

idman

oyun

tofiq bəhramov adına stadion

https://cdnn1.img.sputnik.az/img/07e5/08/03/427610411_0:0:3071:1728_1920x0_80_0_0_d7d3aee3e7564337f59bf14fcbc1580d.jpg

BAKI, 14 sentyabr — Sputnik. Sabah UEFA Avropa Liqasının qrup mərhələsi çərçivəsində keçiriləcək "Qarabağ" Futbol Klubunun beynəlxalq oyunu ilə əlaqədar Bakı metropoliteninin "Gənclik" stansiyasında gücləndirilmiş iş rejimi tətbiq ediləcək.Bu barədə "Bakı Metropoliteni" məlumat yayıb.Məlumata görə, sərnişinlərin rahatlığı və təhlükəsizliyini təmin etmək məqsədilə metropolitenin Tofiq Bəhramov adına Respublika stadionunda keçirilən kütləvi tədbirlərlə bağlı əməliyyat planına uyğun olaraq, stansiyaya növbətçilik cədvəli üzrə əlavə işçi qüvvəsi ayrılacaq.Saat 20:45-də başlanacaq oyuna yollanacaq azarkeşlərin rahat və təhlükəsiz hərəkətini tənzimləməklə yanaşı, "Nərimanov" və "28 May" stansiyalarında da ehtiyat tədbirlər nəzərə alınacaq.Ümumən isə qatarlar bu gündən tətbiq edilmiş yeni payız-yaz qrafikinə uyğun hərəkət edəcək. Azarkeş marağı nəzərə alınaraq, görüş başa çatdıqdan sonra sərnişinlərin təhlükəsiz və rahat daşınması təmin ediləcək. Ehtiyac yaranarsa, xəttə ehtiyat qatarlar buraxılacaq.Qeyd edək ki, UEFA Avropa Liqasının qrup mərhələsinin ikinci turu çərçivəsində Fransanın "Nant" komandasını qəbul edəcək "Qarabağ" klubunun baş məşqçisi Qurban Qurbanov matçdan əvvəl keçirilən mətbuat konfransında deyib ki, danışmaq və fikir bildirmək üçün asan gün deyil. Şəhidlərimiz var, sərhəddə döyüşlər gedir. Allah şəhidlərimizə rəhmət etsin və onların ailələrinə səbir versin.Mütəxəssis bildirib ki, həmişə futbolçularımıza hansı komandanı təmsil etdiklərini xatırladırıq. Legionerlərə də bu barədə məlumat verilir. Artıq torpaqlarımız işğaldan azad edilib. Nə qədər torpaqlarımızın qayıtdığını desək də, ürək yarası həmişə qalacaq. Dünəndən şəhidlər barədə oxuyuram. Onların arasında 2-3 yaşında övladı olanlar var. Çox ağırdır. İşimiz çətin olsa da, komandanı görüşə tam hazırlamalıyıq.Heyətdə Maksim Medvedev, Rahil Məmmədov və Kevin Medinanın zədəli olduğunu bildirən Q.Qurbanov deyib: "Bədavi Hüseynovun ümumi vəziyyəti pis deyil. Matça hazır olmaq ehtimalı çoxdur. Dünən də komanda ilə məşq edib. Onun durumuna bu gün bir daha baxacağıq. Qərar vermək üçün tam əmin olmalıyıq".Baş məşqçi "Nant" klubunun statistikası barədə məlumatı olduğunu vurğulayaraq qeyd edib ki, rəqibin ötən mövsüm Fransa kuboku yarışını qazanması təsadüf deyil. Mövsümün əvvəlində hansısa çatışmazlıqları ola bilər. Rəqibin yaxşı müdafiə və hücum xətti var. Bunu özümüzü sığortalamaq üçün demirəm. Bütün komandalarda hansısa zəif nöqtələr olur.Qeyd edilib ki, "Qarabağ" klubu Ermənistan silahlı qüvvələri tərəfindən dövlət sərhədində törədilən genişmiqyaslı təxribatın qarşısını alarkən Azərbaycan Ordusundan 42, Dövlət Sərhəd Xidmətindən isə 8 hərbi qulluqçu olmaqla, ümumilikdə Silahlı Qüvvələrin 50 hərbi qulluqçusunun şəhid olması ilə bağlı "Nant"la oyunun bir dəqiqəlik sükutla başlaması üçün UEFA-ya müraciət edib. Avropa futbol qurumu cavabını matçın keçiriləcəyi gün açıqlayacaq.Sentyabrın 15-də Tofiq Bəhramov adına Respublika Stadionunda keçiriləcək qarşılaşma saat 20:45-də başlayacaq.

tofiq bəhramov adına stadion

2022

xəbərlər

ru_AZ

metro, oyun, tofiq bəhramov adına stadion