https://sputnik.az/20220831/susada-kecirilecek-ilk-beynelxalq-sahmat-turnirinin-istirakcilarinin-adi-tesdiqlenib-445560217.html

Şuşada keçiriləcək ilk beynəlxalq şahmat turnirinin iştirakçılarının adı təsdiqlənib

Şuşada keçiriləcək ilk beynəlxalq şahmat turnirinin iştirakçılarının adı təsdiqlənib

Sputnik Azərbaycan

Xurşidbanu Natəvanın 190 illik yubileyinə həsr olunan "Shusha Chess 2022" beynəlxalq şahmat turniri iki kateqoriyada - kişilər və qadınlar arasında... 31.08.2022, Sputnik Azərbaycan

2022-08-31T23:50+0400

2022-08-31T23:50+0400

2022-08-31T23:50+0400

şuşa

idman

şahmat

şahmat turniri

https://cdnn1.img.sputnik.az/img/07e5/0c/12/437373126_0:329:2929:1977_1920x0_80_0_0_5e3221fc960163984b9a24c14e094b1d.jpg

BAKI, 31 avqust — Sputnik. Gənclər və İdman Nazirliyi, Azərbaycan Şahmat Federasiyası və Şuşa Şəhəri Dövlət Qoruğunun birgə təşkilatçılığı ilə Azərbaycanın mədəniyyət paytaxtı Şuşada keçiriləcək ilk beynəlxalq şahmat turnirinin iştirakçılarının adı təsdiqlənib.Federasiyadan bildiriblər ki, görkəmli şairə və xeyriyyəçi Xurşidbanu Natəvanın 190 illik yubileyinə həsr olunan "Shusha Chess 2022" beynəlxalq şahmat turniri iki kateqoriyada - kişilər və qadınlar arasında keçiriləcək. Hər kateqoriya üzrə 10 şahmatçı rapid və blits üzrə mübarizə aparacaq.Kişi şahmatçıların yarışında Azərbaycan milli komandasının üzvləri, üçqat Avropa çempionları Şəhriyar Məmmədyarov, Teymur Rəcəbov, Qədir Hüseynov, Rauf Məmmədov və 18 yaşadək şahmatçılar arasında Avropa çempionu Vasif Durarbəyli, o cümlədən Asiya çempionu Hao Vanq (Çin), 20 yaşa qədər şahmatçılar arasında dünya çempionu Santoş Gujrathi Vidit (Hindistan), gənclər arasında dünya çempionatının qalibi Parham Maqsudlu (İran), FİDE dünya çempionu Rüstəm Kasımcanov (Özbəkistan) və Türkiyə çempionu, 2021-ci ildə Türkiyənin ən yaxşı şahmatçısı seçilən Mustafa Yılmaz iştirak edəcəklər.Qadınların yarışında milli komandamızın üzvləri, Avropa çempionatının mükafatçıları Günay Məmmədzadə, Ülviyyə Fətəliyeva, Gülnar Məmmədova, Xanım Balacayeva, Gövhər Beydullayeva, eyni zamanda, Ümumdünya Şahmat Olimpiadasının qalibi, Avropa çempionu Nana Dzaqnidze (Gürcüstan), yeniyetmələr arasında dünya və Avropa çempionu, ölkəsinin ən reytinqli qadın şahmatçısı Marsel Efroimski (İsrail), 18 yaşlılar arasında dünya çempionu Jolanta Zavadzka (Polşa), yeniyetmələr arasında dünya və Avropa çempionu Nurgül Səlimova (Bolqarıstan), Türkiyə çempionu Kübra Öztürk Güvənli (Türkiyə) mübarizə aparacaqlar.Qeyd edək ki, "Shusha Chess 2022" beynəlxalq şahmat turniri sentyabrın 21-24-də keçiriləcək.

2022

xəbərlər

ru_AZ

şuşa, şahmat, şahmat turniri