Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Aİ-92 benzinin və dizelin aksiz dərəcəsi artırıldı

© AP Photo / Marta LavandierYanacaqdoldurma məntəqəsi, arxiv şəkli
Yanacaqdoldurma məntəqəsi, arxiv şəkli - Sputnik Azərbaycan, 1920, 24.08.2022
Xəbərlərə abunə olun
НовостиTelegram
Aİ-92 benzini üzrə aksiz dərəcəsi 42%-dən 42,5%-ə, dizel yanacağı üzrə aksiz dərəcəsi isə 18%-dən 18,3%-ə çatdırılıb
BAKI, 24 avqust — Sputnik. Azərbaycanda Aİ-92 markalı benzinin və dizelin aksiz dərəcəsi artırılıb.
Bu, Nazirlər Kabinetinin "Neft məhsullarının aksiz dərəcələri səviyyəsinin dəyişdirilməsi və ölkə ərazisində daşınması xərcləri ilə bağlı bəzi məsələlər haqqında" qərarında əksini tapıb.
Qərara əsasən, Aİ-92 avtomobil benzininin aksiz dərəcəsi 42%-dən 42,5%-ə, dizel yanacağının aksiz dərəcəsi 18%-dən 18,3%-ə qaldırılıb.
Bu Qərar 2022-ci il sentyabrın 1-dən qüvvəyə minir.
Nazirlər Kabinetinin məlumatına görə, "Ölkə daxilində neft məhsullarının tariflərinin tənzimlənməsi barədə" Tarif Şurasının 2022-ci il 26 iyul tarixli 4 nömrəli Qərarı ilə ölkə daxilində istehsal olunan və satılan neft məhsullarının istehsalçı tarifi 695,75 manatdan 689,78 manata endirilib. Nəticədə, istehsalçı tarifindən yanacağın hər tonuna görə hesablanan və dövlət büdcəsinə ödənilən aksiz vergisinin məbləğində azalma baş verib. Həmin azalmanın kompensasiya edilməsi məqsədilə, "Neft məhsullarının qüvvədə olan aksiz dərəcələrinin səviyyəsinin dəyişdirilməsi barədə" Azərbaycan Respublikası Nazirlər Kabinetinin 2014-cü il 6 fevral tarixli 35 nömrəli Qərarında dəyişiklik edilib.
"Neft məhsullarının qüvvədə olan aksiz dərəcələrinin səviyyəsinin dəyişdirilməsi barədə" Azərbaycan Respublikası Nazirlər Kabinetinin 2014-cü il 6 fevral tarixli 35 nömrəli Qərarının 1-ci hissəsinin cədvəlinin ikinci sətrində "42,0" rəqəmləri "42,5" rəqəmləri ilə, 4-cü sətrində "18,0" rəqəmləri "18,3" rəqəmləri əvəz edilib.
Avtomobilə yanacaq doldurulması, arxiv şəkli - Sputnik Azərbaycan, 1920, 15.05.2022
İQTİSADİYYAT
Azərbaycanda benzin bahalaşacaqmı?
Xəbər lenti
0