Бакинский Олимпийский стадион, фото из архива - Sputnik Azərbaycan, 1920
İDMAN
Ölkənin və dünyanın idman həyatına dair məlumatlar

"Qarabağ" UEFA Çempionlar Liqasının qrup mərhələsinə vəsiqə qazana bilər

© Sputnik / Murad Orujov"Qarabağ" - "Viktoriya" matçında oyun epizodu, arxiv şəkli
Qarabağ - Viktoriya matçında oyun epizodu, arxiv şəkli - Sputnik Azərbaycan, 1920, 23.08.2022
Xəbərlərə abunə olun
НовостиTelegram
Oyuna itkilərlə çıxacaq "Qarabağ" UEFA Çempionlar Liqasının qrup mərhələsinə vəsiqə qazana bilər.
BAKI, 23 avqust — Sputnik. "Qarabağ" bu gün UEFA Çempionlar Liqasının pley-off mərhələsində cavab oyununa çıxacaq.
Ölkəmizi təmsil edəcək "Qarabağ" Çexiyada "Viktoriya" (Plzen) komandasının qonağı olacaq. Plzendəki "Dusan Arena"da olacaq görüş Bakı vaxtı ilə saat 23:00-da başlayacaq. Matçı portuqaliyalı FIFA referisi Artur Diaş idarə edəcək.
Xatırladaq ki, Bakıdakı ilk oyunda qolsuz heç-heçə qeydə alınıb. Cavab qarşılaşmasında qalib gələn komanda turnirin qrup mərhələsinə vəsiqə qazanacaq. Məğlub tərəf isə yoluna Avropa Liqasının qrupunda davam edəcək.
Ağdam təmsilçisi bu görüşə itkilərlə çıxacaq. Belə ki, kapitan Maksim Medvedev ilə kolumbiyalı müdafiəçi Kevin Medina daha öncəki oyunlarda zədələndiyi üçün bu oyuna çıxmayacaqlar. Rəqib komandadan isə kapitan Lukaş Heyda cəzalı olduğu üçün bu görüşdə iştirak etməyəcək.
Qeyd edək ki, oyunun hakimləri Artur Diaş, Ruy Tavareş, Paulu Soareş, Fabiu Verisimu olacaq.
Xatırladaq ki, Ağdam təmsilçisi 2017/2018 mövsümündə Çempionlar Liqasının qrupunda mübarizə aparıb.
Xəbər lenti
0