Бакинский Олимпийский стадион, фото из архива - Sputnik Azərbaycan, 1920
İDMAN
Ölkənin və dünyanın idman həyatına dair məlumatlar

Azərbaycan boksçuları yeddi oyundan otuz yeddi medalla qayıdıblar

© Sputnik / Mihail Voskresenskiy / Mediabanka keçidBoks əlcəkləri, arxiv şəkli
Boks əlcəkləri, arxiv şəkli - Sputnik Azərbaycan, 1920, 23.08.2022
Xəbərlərə abunə olun
НовостиTelegram
Azərbaycan boksçularının qazandıqları medallardan 15-nin əyarı qızıl, 11-i gümüş və 11-i bürüncdür
BAKI, 23 avqust — Sputnik. Boks üzrə müxtəlif yaş qrupları üzrə Azərbaycan milli komandaları son 6 ayda 37 medal qazanıblar.
Yığmalarımız bu mükafatları qatıldıqları 7 yarışda əldə ediblər. Onlardan 15-nin əyarı qızıl, 11-i gümüş və 11-i bürüncdür.
Boksçularımız 37 medaldan 11-nə Avropa çempionatı və ya birinciliklərində sahib olublar. Milli komandalarımızın üzvləri iştirak etdiyi qitəsəviyyəli yarışların hər birində qızıl mükafat qazanmaqla Azərbaycan himnini səsləndiriblər. Yığmamızın heyətində U-22-lərin Avropa çempionatında Nicat Hüseynov (51 kq), gənclərin qitə birinciliyində Kənan Babayev (48 kq) və məktəblilərin Avropa birinciliyində Sübhan Babayev (44 kq) bütün rəqiblərinə qalib gələrək çempion tituluna yiyələnib. Komandalarımız göstərdiyi nəticələrə əsasən 2 yarışda (U-22 və məktəblilərin Avropa birinciliyi) qitənin 4-cüsü, birində 6-cısı (gənclərin Avropa birinciliyi) olub.
"Apasport"un xəbərinə görə, idmançılarımız Avropa birinciliklərində 3 qızıl medalla yanaşı, 2 gümüş və 6 bürünc mükafat da əldə ediblər. Fəxri kürsüyə yüksələnlər arasında qız boksçumuz da yer alıb. Banuçiçək Nəsirli (44 kq) Azərbaycan tarixində ilk dəfə məktəblilər arasında keçirilən yarışda bürünc mükafata sahib olub.
Ayrı-ayrı yığmalarımıza gəlincə, son 6 ayda yeniyetmə idmançılarımız daha çox medal qazanıblar. Azərbaycan boksunun sabahı hesab olunan komandamız 3 beynəlxalq turnirdən Vətənə 16 medalla qayıdıb. Onlardan 12-si oğlanların, 4-ü qızların hesabındadır. Avropa birinciliyinə qatılan məktəbli boksçuları də buraya əlavə etsək, mükafat sayı 21-ə bərabərdir. Medallardan 8-si qızıl, 8-i gümüş və 5-i bürüncdür. Bu mükafatlardan 5-i (1-1-3) məktəblilər arasında Avropa birinciliyində əldə olunub.
Gənc boksçularımızın hesabında isə 12 medal var. Həmin mükafatlar 2 yarışda – Avropa birinciliyi və beynəlxalq turnirdə qazanılıb. Bu komanda qitə çempionatında 2 (1-0-1), digər yarışda 10 (5-2-3) dəfə üçrəngli bayrağımızın yüksəklərə qalxmasına nail olub.
U-22-lərin Avropa çempionatında yığmamız 1 qızıl, 1 gümüş və 2 bürünc medal əldə etməklə, Azərbaycan boks tarixinin rekordunu təkrarlayıb. Qarşıda komandaları daha böyük yarışların gözlədiyini nəzərə alsaq, əsas məqsəd yeni rekordlar vurmaqdır. Bu, cari ildə beynəlxalq turnirlərlə yanaşı, yeniyetmələr arasında Avropa birinciliyində və gənclər arasında dünya çempionatında uğurlu çıxış sayəsində də rəsmiləşə bilər. Məhz qazanılan qələbələr, inkişaf üçün möhkəm təməl və maddi-texniki bazanın gücləndirilməsi Olimpiadada ilk qızıl medalı əldə etməyə gözəl zəmin yaradacaq.
Xəbər lenti
0