Кабинет химии в школе, фото из архива - Sputnik Azərbaycan, 1920
TƏHSİL
Təhsilə dair xəbərlər və məqalələr

Dövlət İmtahan Mərkəzi iki istiqamət üzrə imtahanlar keçirir

© Sputnik / Murad OrujovГосударственный экзаменационный центр
Государственный экзаменационный центр - Sputnik Azərbaycan, 1920, 21.08.2022
Xəbərlərə abunə olun
НовостиTelegram
Bu gün Azərbaycan Respublikası Silahlı Qüvvələrinin Hərbi Akademiyasının magistraturasına qəbul imtahanı keçirilir.
BAKI, 21 avqust - Sputnik. Avqustun 21-də Dövlət İmtahan Mərkəzi (DİM) rezidenturaya qəbul imtahanının 2-ci mərhələsi və dövlət qulluğunda inzibati icraçı vəzifələrə aid olan qruplar üzrə test imtahanı keçirir.
Bu barədə DİM-dən məlumat verilib. Bildirilib ki, imtahanlar saat 10:00-da başlanıb. Saat 09:45-dən sonra gələn namizədlər imtahana buraxılmırlar.
Dövlət qulluğuna qəbul imtahanı Bakıda 8 binada təşkil olunur. İmtahanda iştirak etmək üçün BA qrupu üzrə 619, BB qrupu üzrə 1463 olmaqla, ümumilikdə 2082 namizəd qeydiyyatdan keçib. İmtahanının keçirilməsi üçün 8 ümumi imtahan rəhbəri, 24 imtahan rəhbəri, 186 nəzarətçi müəllim və 16 buraxılış (mühafizə) rejimi əməkdaşı ayrılıb.
Rezidenturaya qəbul imtahanının 2-ci mərhələsində iştirak etmək üçün 882 namizəd qeydiyyatdan keçib. Bakı şəhərində 856, Naxçıvan şəhərində isə 26 namizədin imtahan verəcəyi gözlənilir. İmtahanın idarə olunması üçün 5 ümumi imtahan rəhbəri, 9 imtahan rəhbəri, 74 zal nəzarətçisi və 10 buraxılış rejimi (mühafizə) əməkdaşı ayrılıb.
Bu gün, həmçinin Azərbaycan Respublikası Silahlı Qüvvələrinin Hərbi Akademiyasının magistraturasına qəbul imtahanı keçirilir.
Pandemiya zamanı imtahan - Sputnik Azərbaycan, 1920, 21.08.2022
TƏHSİL
Nazirlik və DİM arasında "soyuq müharibə"nin əziyyətini abituriyent çəkməlidir?
Xəbər lenti
0