Бакинский Олимпийский стадион, фото из архива - Sputnik Azərbaycan, 1920
İDMAN
Ölkənin və dünyanın idman həyatına dair məlumatlar

Azərbaycan Premyer Liqasında azarkeş rekordu qeydə alınıb

© Sputnik / Murad OrujovFutbol azarkeşləri, arxiv şəkli
Futbol azarkeşləri, arxiv şəkli - Sputnik Azərbaycan, 1920, 09.08.2022
Abunə olmaq
Ümumilikdə isə I turu 10 600 izləyici seyr edib. Bu rəqəm orta hesabla hər görüşə 2150 nəfərə bərabərdir. Bu da son 1058 gün üçün rekorddur
BAKI, 9 avqust — Sputnik. Futbol üzrə Azərbaycan Premyer Liqasının I turunun "Turan Tovuz" – "Qəbələ" görüşünü 5500 tamaşaçı izləyib.
Peşəkar Futbol Liqasının rəsmi saytı xəbər verir ki, Azərbaycan çempionatının oyununda belə çox azarkeşə sonuncu dəfə təxminən 3 il əvvəl təsadüf olunub.
2019/20 mövsümünün IV turunda "Qarabağ"la "Neftçi" arasında qarşılaşmanı 7 min seyrçi izləyib. 2019-cu il sentyabrın 15-də baş tutan Azərbaycan derbisində Ağdam klubu 2:0 hesabı ilə qalib gəlib. Tofiq Bəhramov adına Respublika stadionunda baş tutan həmin görüşdən 1058 gün sonra Premyer Liqada tamaşaçı sayı ilk dəfə 5 mini keçib.
Bu müddətdə 2019/20 mövsümü 20 turdan sonra dayandırılıb, 2020/21 mövsümü tamaşaçısız keçirilib. 2021/22 mövsümü və 2019/20 mövsümünün baş tutan son 16 turunda belə göstərici qeydə alınmayıb.
Ümumilikdə isə I turu 10 600 izləyici seyr edib. Bu rəqəm orta hesabla hər görüşə 2150 nəfərə bərabərdir. Bu da son 1058 gün üçün rekorddur. 2019/20 mövsümünün IV turunun 4 qarşılaşmasında 9800, orta hesabla 2450 azarkeş olub.
Qeyd edək ki, Tovuz şəhər stadionundakı matçda qonaqlar 2:0 hesabı ilə qalib gəlib.
Xəbər lenti
0