Бакинский Олимпийский стадион, фото из архива - Sputnik Azərbaycan, 1920
İDMAN
Ölkənin və dünyanın idman həyatına dair məlumatlar

Azərbaycan - Şahmat Olimpiadasının favoritlərindən biridir

© Sputnik / Murad OrujovШахматный турнир памяти Вугара Гашимова Shamkir Chess 2021
Шахматный турнир памяти Вугара Гашимова Shamkir Chess 2021 - Sputnik Azərbaycan, 1920, 18.07.2022
Xəbərlərə abunə olun
Yandex newsTelegram
Milli komandalar iyulun sonunda Çennayda baş tutacaq Ümumdünya Şahmat Olimpiadasında iştirak edəcək heyətlərini açıqlayıblar.
BAKI, 18 iyul — Sputnik. Kişilərdən ibarət Azərbaycan yığması Ümumdünya Şahmat Olimpiadası başlamazdan əvvəl reytinq üzrə ikinci start nömrəsinə malikdir.
Milli komandalar iyulun 28-də Hindistanın Çennay şəhərində keçiriləcək Ümumdünya Şahmat Olimpiadasında iştirak edəcək heyətlərini açıqlayıblar. Şahmatçıların orta reytinqinə görə, 2705 xalla Azərbaycan komandası yalnız 2771 reytinqə malik ABŞ komandasından geri qalaraq ikinci yeri tutur.
Azərbaycanın kişilərdən ibarət yığmasında Çennayda Şəhriyar Məmmədyarov (2759), Teymur Rəcəbov (2738), Rauf Məmmədov (2656), Qədir Hüseynov (2668), Vasif Durarbəyli (2638) oynayacaqlar.
ABŞ komandasının heyəti çox güclü görünür - hətta ehtiyat oyunçunun reytinqi belə 2700 xaldır. Bundan əlavə, Ermənistanın keçmiş şahmatçısı Levon Aronyan ilk dəfə ABŞ millisində çıxış edəcək. Amerikalıların tərkibi aşağıdakı kimidir: Fabiano Karuana (2783), Uesli So (2773), Levon Aronyan (2775), Lenyer Dominqes (2754), Samuel Şenkland (2720).
Baş tutacaq olimpiadada hazırkı dünya çempionu Maqnus Karlsen də Norveç yığmasının tərkibində iştirak edəcək, onun komandası isə reytinq üzrə (2692) Hindistandan (2696) sonra dördüncü yerdədir.
Qeyd edək ki, ABŞ və Azərbaycan komandaları orta reytinqdə 2700-dən yuxarı olan yeganə komandadır, lakin favoritlər arasında olan çinlilər hələlik öz tərkibini açıqlamayıblar.
Qadınların turnir cədvəlində 2399 reytinqlə Azərbaycan komandası yeddinci start nömrəsinə malikdir. Günay Məmmədzadə (2455), Xanım Balacayeva (2344), Gövhər Beydullayeva (2390), Gülnar Məmmədova (2380) və Ülviyyə Fətəliyeva (2372) Çennayda keçiriləcək qadınlardan ibarət komandada çıxış edəcəklər.
Qadınlardan ibarət Olimpiadada Hindistan komandası favoritdir (2486), ilk üçlüyə həmçinin Ukrayna (2478) və Almaniya (2475) daxildir.
Ənənəvi olaraq Ümumdünya Şahmat Olimpiadalarının həm kişilər, həm də qadınlar arasında favorit hesab olunan Rusiya komandası qarşıdakı Çennay yarışlarında iştirak etməyəcək.
Xəbər lenti
0