Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Ərdoğan yenə Bəxtiyar Vahabzadənin şeirinə müraciət etdi

© Official website of President of Azerbaijan RepublicRəcəb Tayyib Ərdoğan və İlham Əliyev
Rəcəb Tayyib Ərdoğan və İlham Əliyev - Sputnik Azərbaycan, 1920, 28.05.2022
Xəbərlərə abunə olun
Yandex newsTelegram
Türkiyə Prezidenti Rəcəb Tayyib Ərdoğan Bakıda keçirilən “TEKNOFEST Azərbaycan” festivalında çıxışı zamanı mərhum xalq şairi Bəxtiyar Vahabzadənin "Azərbaycan-Türkiyə" şeirini səsləndirib.
BAKI, 28 may - Sputnik. Bu il Azərbaycanla Türkiyə arasında diplomatik əlaqələrin yenidən qurulmasının 30-cu ildönümünü böyük bir qürurla qeyd edirik. Ortaq tariximizdən aldığımız ilhamla aramızdakı dostluq və məhəbbəti daha da sağlamlaşdırır, birlik və bərabərliyimizi daha da möhkəmləndiririk.
Bu fikirləri Türkiyə Prezidenti Rəcəb Tayyib Ərdoğan Bakıda keçirilən “TEKNOFEST Azərbaycan” festivalında çıxışı zamanı səsləndirib.
“Diplomatik münasibətlərimiz 30 il əvvəl qurulmuş olsa da, taleyimizin birliyi tarixin dərinliklərinə qədər uzanmaqdadır. 1915-ci ildə Çanaqqalada, 1918-ci ildə Gəncədə, Bakıda və Azərbaycanın digər bölgələrində ürəklərimiz və biləklərimiz ortaq mübarizəmizdə yenidən bərabər olmuşdur”, - Türkiyə Prezidenti vurğulayıb.
Rəcəb Tayyib Ərdoğan Türkiyə və Azərbaycan arasındakı məhəbbətin gücünü mərhum Bəxtiyar Vahabzadənin məşhur şerindəki misralarla ifadə edib:
Bir ananın iki oğlu,
Bir ağacın iki qolu,
O da ulu, bu da ulu,
Azərbaycan, Türkiyə.
Dinimiz bir, dilimiz bir,
Ayımız bir, ilimiz bir,
Eşqimiz bir, yolumuz bir,
Azərbaycan, Türkiyə.
Qeyd edək ki, Ərdoğan Azərbaycanın xalq şairi Bəxtiyar Vahabzadəni türk dünyasının böyük ədiblərindən biri adlandırıb və onu çox sevdiyini deyib. Bu səbəbdən də, o, Azərbaycanla Türkiyənin həyata keçirdiyi birgə tədbirlərdə şairin şeirlərindən misralar səsləndirir. Ərdoğan bu dəfə də ənənəsinə sadiq qalıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Prezidentlər İlham Əliyev və Rəcəb Tayyib Ərdoğan Bakıda keçirilən “TEKNOFEST Azərbaycan” festivalında - Sputnik Azərbaycan, 1920, 28.05.2022
SİYASƏT
Əliyev və Ərdoğan ailə üzvləri ilə birlikdə Bakı bulvarında hava şoularını izləyiblər
Xəbər lenti
0