Бакинский Олимпийский стадион, фото из архива - Sputnik Azərbaycan, 1920
İDMAN
Ölkənin və dünyanın idman həyatına dair məlumatlar

Premyer Liqanın növbəti mövsümünə yekun vurulub

© Photo : Azerbaijan Professional Football League"Neftçi" - "Səbail" oyunu, arxiv şəkli
Neftçi - Səbail oyunu, arxiv şəkli - Sputnik Azərbaycan, 1920, 21.05.2022
Xəbərlərə abunə olun
Yandex newsTelegram
Birinciliyin nəticələrinə görə, Azərbaycanı Çempionlar Liqasında “Qarabağ” komandası təmsil edəcək.
BAKI, 21 may - Sputnik. Futbol üzrə Azərbaycan Premyer Liqasının 2021/2022-ci il mövsümünə yekun vurulub. Azərtac-ın xəbərinə görə, mövsümün sonuncu – XXVIII turunda dörd qarşılaşma baş tutub.
“Qarabağ” qızıl, “Neftçi” gümüş medalı daha əvvəl təmin etdiyindən son tur yalnız bürünc medalın taleyinə aydınlıq gətirib. Öz meydanında “Şamaxı” ilə qarşılaşan “Zirə” qolsuz heç-heçə edərək üçüncü pilləni qoruyub.
Qəsəbə klubunun medalçılar sırasında qalmasında “Qəbələ”nin “Sabah”la görüşdəki xal itkisi səbəb olub. Qəbələ şəhər stadionundakı görüş 1:1 hesabı ilə başa çatıb. Mövsümün son iki görüşü böyük hesablı qələbə ilə nəticələnib.
Autsayderlərin duelində “Sumqayıt” “Səbail”in qapısından 5 cavabsız top keçirib.
Çempionatın son qarşılaşmasında "Qarabağ" və "Neftçi" komandaları üz-üzə gəliblər. “Qarabağ” klubu görüşdən 4:1 hesablı qələbə ilə ayrılıb.
Qeyd edək ki, “Qarabağ” Çempionlar Liqasında, “Neftçi”, “Zirə” və “Qəbələ” isə Konfrans Liqasında mübarizə aparacaq.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0