https://sputnik.az/20220506/dovlet-qulluguna-qebul-uzre-novbeti-imtahan-kecirilecek-441704705.html

Dövlət qulluğuna qəbul üzrə növbəti imtahan keçiriləcək

Dövlət qulluğuna qəbul üzrə növbəti imtahan keçiriləcək

Sputnik Azərbaycan

Dövlət İmtahan Mərkəzinin yaydığı məlumatda bildirilib ki, BB vəzifə qrupuna aid olan vəzifələr üzrə imtahan kağız daşıyıcılar vasitəsilə keçiriləcək. 06.05.2022, Sputnik Azərbaycan

2022-05-06T12:33+0400

2022-05-06T12:33+0400

2022-05-06T12:44+0400

cəmiyyət

dim

dövlət qulluğu

imtahan

https://cdnn1.img.sputnik.az/img/42153/46/421534626_0:54:999:616_1920x0_80_0_0_be5647b2adb13a303d68f65c3aff25a5.jpg

BAKI, 6 may — Sputnik. Dövlət İmtahan Mərkəzi (DİM) tərəfindən 2022-ci il mayın 8-də dövlət qulluğunda fəaliyyətin davam etdirilməsi üçün inzibati rəhbər vəzifələrə aid olan AB, AC və inzibati icraçı vəzifələrə aid olan BA, BB vəzifə qruplarına uyğun vəzifələr üzrə dövlət qulluğunda fəaliyyətin davam etdirilməsi üçün test imtahanları keçiriləcək.Mərkəzdən bildirilib ki, BB vəzifə qrupuna aid olan vəzifələr üzrə imtahan kağız daşıyıcılar vasitəsilə keçiriləcək. Bu imtahanda iştirak edəcək namizədlər verilən linkə daxil olub "İmtahana buraxılış vərəqəsi"ni çap etməlidirlər.Buraxılış vərəqəsində imtahan yeri, binası, imtahana gəlməli olan vaxt və digər zəruri məlumatlar göstərilib. İmtahan saat 11:00-da başlanır və 2 saat 30 dəqiqə davam edir. Saat 10:45-dən sonra gələn namizədlər imtahana buraxılmır. Namizəd imtahana gələrkən şəxsiyyətini təsdiq edən sənədin əslini və "İmtahana buraxılış vərəqəsi"ni mütləq gətirməlidir.Digər vəzifə qrupları (AB, AC, BA) üzrə olan imtahanlar isə kompüter vasitəsilə Bakı şəhəri, Nəsimi rayonu, Abdulvahab Salamzadə küçəsi, 28 (8 Noyabr metrostansiyasının yanı) ünvanında keçiriləcək. Kompüter vasitəsilə ilə keçirilən imtahanda buraxılış vərəqəsinə ehtiyac yoxdur. Həmin namizədlər şəxsiyyətini təsdiq edən sənədin əslini təqdim etməlidirlər. İmtahan saat 11-də başlanır. Namizədlər saat 10-dan gec olmayaraq imtahan binasının önündə olmalıdırlar. İmtahanın davametmə müddəti 2 saat 30 dəqiqədir.Qeyd edək ki, imtahanda iştirak etmək üçün AB qrupu üzrə 3, AC qrupu üzrə 9, BA qrupu üzrə 79, BB qrupu üzrə 207 olmaqla, ümumilikdə 298 namizəd qeydiyyatdan keçib. İmtahanların keçirilməsi üçün 3 imtahan rəhbəri, 26 nəzarətçi‑müəllim ayrılıb.Namizədlər imtahanda yoxlanılacaq bilik sahələri, hər sahə üzrə test tapşırıqlarının sayı və vəzifə altqrupları üzrə keçid balları ilə buradan tanış ola bilərlər.Xatırladaq ki, övlət İmtahan Mərkəzi dövlət qulluğuna qəbul üzrə müsabiqənin test imtahanı mərhələsinə hazırlaşan namizədlərə müraciət edib.Dövlət İmtahan Mərkəzi tərəfindən fəaliyyət istiqamətinə daxil olan bütün imtahanların daha obyektiv və şəffaf keçirilməsi məqsədilə imtahanın məzmununun təkmilləşdirilməsi üçün mütəmadi olaraq zəruri tədbirlər həyata keçirilir.Elmi və elmi-texnoloji sahələrdə, həmçinin qanunvericilik sistemində baş verən dəyişikliklər nəzərə alınaraq dövlət qulluğuna qəbul üzrə müsabiqənin test imtahanı mərhələsinin də imtahan proqramlarında zəruri dəyişikliklər edilir, test bankı mütəmadi olaraq yenilənir və banka yeni model tapşırıqlar daxil edilir.Yuxarıda qeyd olunanlar nəzərə alınaraq müsabiqənin 2022-ci ilin may ayından etibarən keçirilən test imtahanlarının qanunvericilik üzrə proqramında müəyyən dəyişikliklər (bu dəyişikliklər proqramın qismən sadələşdirilməsi ilə müşaiyət olunur) həyata keçirilib.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

https://sputnik.az/20220414/dovlet-qulluguna-hazirlasanlarin-nezerine---deysklk-var-441063161.html

2022

xəbərlər

ru_AZ

dim, dövlət qulluğu, imtahan