Уникальные бакинские здания, созданные в стиле модерн - Sputnik Azərbaycan, 1920
MƏDƏNİYYƏT
Azərbaycanın mədəni həyatında baş verən önəmli hadisələr

Çexovun əsəri Gənc Tamaşaçılar Teatrının səhnəsində ilk dəfə - FOTO

© Sputnik / Murad OrujovЧайки на Бакинском бульваре
Чайки на Бакинском бульваре - Sputnik Azərbaycan, 1920, 28.03.2022
Xəbərlərə abunə olun
Yandex newsTelegram
Tamaşanın əsas ideyasını ifadə edən tənhalıq, təzadlar, tərəddüdlər içərisində qalmış insanın problemi hər bir qəhrəmanın vasitəsi ilə qabardılıb. Səhnə əsərində rus bəstəkarı Pyotr Çaykovskinin "Qu gölü" baletinin musiqisi istifadə olunub
BAKI, 28 mart — Sputnik. 27 mart Beynəlxalq Teatr günündə A.P.Çexovun "Qağayı" pyesi əsasında eyniadlı tamaşa sənətsevərlərə təqdim olunub. Sputnik Azərbaycan xəbər verir ki, Azərbaycan Dövlət Gənc Tamaşaçılar Teatrı dahi rus klassiki A.Çexovun yaradıcılığına müraciət edib. Belə ki, 27 mart Beynəlxalq Teatr günündə məşhur "Qağayı" komediyası əsasında eyniadlı tamaşanın premyerası baş tutub.
Tamaşanın quruluşçu rejissoru Əməkdar artist Nicat Kazımov, tərtibatçı rəssamı Telman Şıxıyevdir. Xoreoqrafik həll Nailə Məmmədzadəyə, musiqi tərtibatı Şamxal Novruzluya, fəndlərin quruluşu İsa Əsədova aiddir.
Tamaşada əməkdar artistlər Kəmalə Hüseynova, Nicat Kazımov, Rasim Cəfərov, Şövqi Hüseynov, aktyorlar Səbinə Məmmədova, Bəhram Həsənov, Mirsənan Kazımlı, Kərəm Hadizadə, Anar Seyfullayev, Sevinc Mehrəliyeva, Anar Səfiyev, Aygün Fətullayeva, Manaf Dadaşov, Nurlan Süleymanlı, Mikayıl Əliyev, Elgün Yəhyayev, Araz Pirimov, Ümman Budaqov, Mətləb Abuşov iştirak edirlər.
Daha öncələr M.Füzulinin "Leyli və Məcnun", Ə.Haqverdiyevin "Pəri-Cadu", E.E.Şmidtin "Oskar və çəhrayı dama" və s. kimi mürəkkəb, fərqli quruluş tələb edən əsərlərə müraciət edən rejissor Nicat Kazımov bu dəfə də klassik pyesə yeni yanaşma sərgiləyib. Tamaşanın əsas ideyasını ifadə edən tənhalıq, təzadlar, tərəddüdlər içərisində qalmış insanın problemi hər bir qəhrəmanın vasitəsi ilə qabardılıb. Səhnə əsərində rus bəstəkarı Pyotr Çaykovskinin "Qu gölü" baletinin musiqisi istifadə olunub.
Tamaşa anşlaqla qarşılanıb, tamaşaçıların böyük marağına səbəb olub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xalq artisti Nuriyyə Əhmədova, arxiv şəkli - Sputnik Azərbaycan, 1920, 27.03.2022
MƏDƏNİYYƏT
Həyatda bədbəxt, sənətdə xoşbəxt olan sənət adamları - VİDEO
Xəbər lenti
0