https://sputnik.az/20220304/buraxilis-imtahaninin-vaxti-deyisecekmi---dm-den-aciqlama-439842665.html

Buraxılış imtahanının vaxtı dəyişəcəkmi? - DİM-dən açıqlama

Buraxılış imtahanının vaxtı dəyişəcəkmi? - DİM-dən açıqlama

Sputnik Azərbaycan

Dövlət İmtahan Mərkəzi isə 5 və 6 mart tarixlərində tam (11 illik) orta təhsil səviyyəsi üzrə buraxılış imtahanları keçiriləcəyini açıqlayıb.

2022-03-04T12:16+0400

2022-03-04T12:16+0400

2022-03-04T12:16+0400

təhsil

dim

imtahan

https://cdnn1.img.sputnik.az/img/07e5/04/0f/426709838_0:92:1750:1076_1920x0_80_0_0_9732b3e6634b869aa0873e005b98cad3.jpg

BAKI, 4 mart — Sputnik. Nazirlər Kabinetinin qərarına əsasən, 7 mart iş günü ilə 5 mart istirahət gününün dəyişdirilib. Dövlət İmtahan Mərkəzi isə 5 və 6 mart tarixlərində tam (11 illik) orta təhsil səviyyəsi üzrə buraxılış imtahanları keçiriləcəyini açıqlayıb.Bəs görəsən Nazirlər Kabinetinin iş və istirahət günlərinin yerini dəyişməsi martın 5-də nəzərdə tutulan buraxılış imtahan tarixinin də dəyişməsinə səbəb olacaqmı?Dövlət İmtahan Mərkəzinin mətbuat xidmətinin rəhbəri Xanlar Xanlarzadə Sputnik Azərbaycan-a açıqlamasında bildirib ki, imtahanların elan olunmuş qrafik üzrə - martın 5-də və 6-da keçirilməsi nəzərdə tutulur. Bu tarix dəyişməyəcək.Məlumat üçün xatırladaq ki, imtahanlar respublikanın 30 şəhər və rayonunda təşkil olunacaq.İmtahanlar saat 11:00-da başlanır.İmtahanların başlanmasına 15 dəqiqə qalmış – saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmır.Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək tövsiyə olunur.İştirakçılar imtahana tibbi maska ilə gəlməli və onlardan düzgün (burun, ağız və çənə nahiyəsini tam örtməklə) istifadə etməlidirlər. Maskanı çıxarmaq qadağandır və bütün proses (buraxılış rejimi, imtahan müddəti, imtahan binasının tərk edilməsi) boyu istifadə olunmalıdır.İmtahanda iştirak edəcək şagirdlər "İmtahana buraxılış vərəqəsi"ni internet vasitəsilə DİM-in saytından fevralın 24-dən etibarən çap edib götürə bilirlər.İmtahanlar 5-6 mart tarixlərində respublikanın 30 şəhər və rayonunda keçiriləcək.Xatırladaq ki, imtahan keçirilən şəhər və rayonlarda ümumilikdə 216 imtahan binası, 3620 imtahan zalı ayrılıb. İmtahanların idarə olunmasına 216 ümumi imtahan rəhbəri, 586 imtahan rəhbəri, 4506 nəzarətçi-müəllim, 442 buraxılışı rejimi əməkdaşı (mühafizə), 216 bina nümayəndəsi ayrılıb.Martın 5-də keçiriləcək imtahanlarda 22902, martın 6-da keçiriləcək imtahanlarda isə 24824 nəfər olmaqla, ümumilikdə 47726 şagirdin iştirakı nəzərdə tutulur.İmtahanlarda 17 nəfər fiziki məhdudiyyətli (I qrup gözdən əlil, eşitmə əngəlli və digər) abituriyent də iştirak edəcək. Bu abituriyentlərin rahat şəkildə imtahan verməsi üçün imtahan binalarında xüsusi zallar ayrılıb, gözdən əlillər üçün fərdi nəzarətçilər təyin edilib.Hazırda imtahanlarda iştirak edəcək nəzarətçilər, imtahan rəhbərləri, mühafizə əməkdaşları ilə təlim-seminarlar keçirilir. Bütün imtahan binalarına baxış keçirilib, imtahan zallarında abituriyentlərin rahat şəkildə imtahan verməsi üçün zəruri şərait yaradılıb.Bundan əlavə, Mərkəz tərəfindən pandemiya şəraitinin tələblərinə uyğun olaraq imtahan binalarında bir sıra profilaktik tədbirlər - hər bir otağa düşən iştirakçı sayının sosial məsafə prinsipinə uyğun şəkildə tənzimlənməsi, imtahan heyətinin müvafiq qoruyucu vasitələrlə (əlcək, tibbi maska) təmin olunması həyata keçirilib. İmtahanın idarə olunması prosesinə ümumi imtahan rəhbəri, imtahan rəhbəri, nəzarətçi-müəllim, mühafizə əməkdaşı və s. qismində yalnız COVID-19 peyvənd sertifikatı (və ya immunitet sertifikatı) olan şəxslər cəlb olunacaqlar.Təhlükəsizliyin təmin edilməsi məqsədilə imtahan mərkəzlərinə təkrar baxış da keçirilir və imtahan zalları, giriş-çıxış qapıları, binalar möhürlənməklə Daxili İşlər Nazirliyi Baş Mühafizə İdarəsinin əməkdaşlarının mühafizəsinə verilir.Ehtiyat tədbirləri çərçivəsində imtahan binasına daxil olan iştirakçılarının məsafədən ölçə bilən elektron termometrlə bədən hərarətləri yoxlanılacaq, zəruri dezinfeksiyaedici vasitələrdən istifadə olunacaqdır. İmtahana bədən hərarəti 37°C-dən aşağı olan şəxslər buraxılır.İmtahan iştirakçıları imtahan binasına daxil olmaq üçün yoxlamadan keçərkən sosial məsafəni saxlamaqla şəxsiyyətini təsdiq edən sənədin üz tərəfini DİM əməkdaşının görəcəyi şəkildə ona tərəf uzatmalı və müvəqqəti olaraq maskasını aşağı salaraq üzünü göstərməlidir.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

https://sputnik.az/20220125/dm-buraxilis-imtahanlari-ile-bagli-sagird-ve-abituriyentlere-muraciet-edib-438495526.html

2022

xəbərlər

ru_AZ

buraxılış imtahanının vaxtı dəyişəcəkmi? - dim-dən açıqlama