Ukrayna ilə sərhədə yaxın magistralda Rusiya hərbi texnikası koloniyası - Sputnik Azərbaycan, 1920, 28.02.2022
RF-in Donbasın müdafiəsi üzrə xüsusi əməliyyatı
Rusiya Prezidenti Vladimir Putin 2022-ci il fevralın 24-də rusiyalılara müraciətdə "Donbasda xüsusi əməliyyat keçirilməsi" barədə qərar qəbul etdiyini bildirib.

Rusiya-Ukrayna danışıqları nə ilə nəticələndi?

© Sputnik / Александр Кряжев / Mediabanka keçidRusiya-Ukrayna danışıqları
Rusiya-Ukrayna danışıqları - Sputnik Azərbaycan, 1920, 28.02.2022
Abunə olmaq
Ukrayna prezidenti ofisinin rəhbərinin müşaviri Mixaylo Podolyakın sözlərinə görə, tərəflər prioritet mövzuları müəyyənləşdirib, konkret qərarları qeyd ediblər.
BAKI, 28 fevral - Sputnik. Kiyev və Moskva arasında Ukraynada vəziyyətin nizamlanmasına dair danışıqlar başa çatıb.
Rusiya mediasının yaydığı xəbərə görə, Belarusun Qomel vilayətində keçirilən danışıqlar beş saata yaxın davam edib. Ukrayna prezidenti ofisinin rəhbərinin müşaviri Mixaylo Podolyakın sözlərinə görə, tərəflər prioritet mövzuları müəyyənləşdirib, konkret qərarları qeyd ediblər.
Hazırda nümayəndə heyətləri məsləhətləşmələr aparmaq üçün öz paytaxtlarına qayıdırlar. Podolyak deyib ki, əgər danışıqların üçüncü raundu baş tutarsa, bugünkü mövzular inkişaf etdiriləcək.
Kiyev üçün görüşün əsas mövzusu atəşin dayandırılmasının müzakirəsi olub.
Qeyd edək ki, Ukrayna və Rusiya arasında danışıqların Qomel şəhərində keçirilməsinin təşəbbüskarı Belarus prezidenti Aleksand Lukaşenko olub. Ukrayna Prezidenti Vladimir Zelenski ilə telefon danışığı zamanı tərəflər bu barədə razılığa gəliblər.
Putinin ön şərtləri
Qeyd edək ki, Rusiya prezidenti Vladimir Putin Ukraynada hərbi əməliyyatların dayandırılması üçün öz şərtlərini irəli sürüb.
Kremlin mətbuat xidməti xəbər verir ki, Rusiya prezidenti Vladimir Putin Fransa prezidenti Emmanuel Makronla söhbətində hərbi əməliyyatların dayandırılması ilə bağlı mövqeyinin ortaya qoyub.
O vurğulayıb ki, Ukrayna ətrafında nizamlanma yalnız Rusiyanın qanuni təhlükəsizlik maraqları qeyd-şərtsiz nəzərə alınarsa mümkündür.
"Vladimir Putin vurğulayıb ki, belə bir nizamlanma yalnız Rusiyanın qanuni təhlükəsizlik maraqlarının qeyd-şərtsiz nəzərə alınması, o cümlədən Rusiyanın Krım üzərində suverenliyinin tanınması, Ukrayna dövlətinin demilitarizasiyası və denazifikasiyası vəzifələrinin həlli, eləcə də Kiyevin neytral statusunun təmin edilməsi ilə mümkündür", - deyə məlumatda bildirilir.
Ukrayna hadisələri
Fevralın 21-də Rusiya prezidenti Vladimir Putin "LXR" və "DXR"-ın suverenliyini tanıyan fərmanlar imzalayıb.
Fevralın 24-də isə Putin Ukraynanın demilitarizasiyası üçün xüsusi hərbi əməliyyat keçirməyə qərar verdiyini açıqlayıb.
Televiziya ilə rusiyalılara müraciətində o, bildirib ki, yaranmış vəziyyət "bizdən qəti və dərhal hərəkətə keçməyi tələb edir, Donbas xalq respublikaları yardım xahişi ilə Rusiyaya üz tutub".
Beləliklə, o, Ukraynaya qarşı xüsusi hərbi əməliyyatın başlandığını elan edib.
Bunun fonunda Qərb ölkələri Moskvaya qarşı geniş miqyaslı sanksiyaların tətbiqinə başlayıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Həmçinin oxuyun:
KİV Ukraynanın Rusiyadan tələblərini açıqlayıb
Makron Putin və Zelenski ilə danışıqlar aparıb
Avropa İttifaqı Ukraynaya döyüş təyyarələri verəcək
G7 Ukraynaya silah təchizatı və Rusiyaya qarşı sanksiyaları gücləndirmək qərarına gəlib
Xəbər lenti
0